金鶴拉麵 (荷李活道)

營業中

休息中

最近鍾意食一啲連鎖店嘅餐廳，上次食完中環一間拉麵之後，今次嚟到附近荷李活道嘅金鶴拉麵。呢個品牌係連鎖形式，出品基本上每一間都好穩定。今日我中午嚟咗呢度食，兩個人分別嗌咗:北海道濃厚蟹湯拉麵 跟餐2隻餃子極濃鷄白湯拉麵本身見佢又期間限定龍蝦湯底為主題嘅拉麵，但係我本身唔膠布係好鍾意美國龍蝦嘅味道，所以就打消咗個念頭。兩碗拉麵，同時間送上嚟，熱辣辣出晒煙，好精神吓。蟹湯拉麵，跟咗一片梅頭叉燒，中間有拆好嘅蟹肉。另外一碗係極濃雞白湯拉麵，同樣有一片梅頭叉燒，另外再有幾片嘅雞胸肉。其他配料例如京蔥，木耳，半隻濃厚嘅糖心蛋，唐辛子糸，兩片紫菜呢啲兩者都有。拉麵面係落單時無硬度選擇，偏腍，都算掛到汁，係較粗身嘅麵。兩個湯都稠身，但係我認為偏淡，我會鍾意鹹少少嘅湯底。 雞湯果個嘅雞味係重嘅，至於蟹湯嗰個唔算好突出。叉燒方面唔係超薄嗰隻，有少少咬口，而且食到豬肉嘅味道，口感正常，唔滑唔難咬，我幾鍾意。雞胸肉都容易咬到，唔差嘅。但係蟹湯拉麵中間嗰個蟹肉有殼碎都仲可以接受，但係個蟹肉係凍嘅，放埋啲熱嘅面入邊一齊食，唔係太舒服。個餃子就非常一般，唔好食，假如選擇第二啲嘢會更好。兩者之中，雞白湯果個會好食啲。