一家

營業中

休息中

傳統既上海菜館配搭新穎既設計，連續三年米芝蓮必比登推介餐廳，有傳統上海料理，亦有較新潮既飲品，例如各種果茶、芝士雲系列。回鍋肉炒年糕年糕煙韌有咬口，有淡淡既米香味，回鍋肉配搭三色椒、椰菜下炒得特別入味，配飯食一流，有附豆粒清一清味蕾。七里莊酒糟醉雞醉雞份量都唔少，食落有雞肉既鮮味，肉質算嫩滑，調味剛剛好，相當入味，有淡淡既酒香味和甜味。麻辣香炸鳳尾魚鳳尾魚炸得十分酥脆香口，芝麻和香蔥增加了其香味，調配既麻辣汁令整體更惹味。黄魚春卷春卷以魚肉作為餡料比較少見，口感外脆內軟，香蔥蒜粒有效去除魚既腥味，層次豐富，有附喼汁沾點食用。茭白紅燒肉紅燒肉肥瘦比例剛剛好，肥肉油香甘香純厚，瘦肉味道咸香，肉質完全唔覺「柴」，配搭既醬汁香濃甜蜜。茭白筍味道清甜，口感軟熟爽脆，有助減輕紅燒肉既油膩感。非常外父上層有芒果芝士雲，感覺似係芒果味既芝士忌廉奶蓋，而下層係伯爵茶茶底，內有菠蘿果粒，味道上濃下淡，味道豐富。串嘴表妹以柑桔茉莉茶為主調，內充滿了雜莓和檸蜜爆珠，為苿莉茶豐富了味道之餘，亦同時增加了不少口感。