阿桂老友粉

營業中

休息中

入馬𩣑山游水，睇猿，睇完就上開飯尋食，見到呢間阿桂。對於我呢個沙田人，間舖真係好難搵！今日又熱，搵咗好耐成身濕晒咁，結果都俾我搵到佢，鋪頭細細，可容納目測唔超過廿人，而叫咗個脆肉米線再加樽蘋果茶。米線上枱時就係咁嘅樣，似係一碗燒肉米線。呢碗米線嘅重點之一，脆燒肉，聲稱自家製作，嗰皮又真係非常脆口，又唔太咸，必食。通心粉就食得多，可能我孤漏寡聞，原來米線都有通心米線㗎！通心米線好處係吸湯通力極強，而呢度個湯底又唔差，仲應該無乜味精，一羹湯連通心米線，諗番起嗰種口感，肯定要搵日再幫襯。而通心米線唯一嘅 唔好處係質地太過有彈性，所以比較難夾起，一夾唔實彈到成面都係湯，著白色衫千祈要漫漫食。