阿桂老友粉

營業中

休息中

黎到有美食沙漠之稱既馬鞍山，突然想食米線，見到竟然有通心米線就即刻想試下，都係第一次行到黎新港城3期呢邊搵食，有條自成一角既美食街豬骨湯炸醬通心米線炸醬份量好多，同豆豉撈埋一齊幾特別仲有好多花生碎乾撈脆皮肉通心米線脆皮肉係佢地既招牌，肉質比較硬身，但塊皮真係好脆口既個人覺得兩碗米線都幾重口味，食完幾口渴另外仲嗌左個小食煎韮菜餃爆滿既韮菜好好食，煎香左既位都幾脆卜卜餐廳位置唔多，但堂食同外賣都不停有人，岩哂街坊黎幫襯

馬𩣑山食咩 唔使問阿桂 直接去阿桂🤪呢間馬𩣑山小店主打廣西南寧粉麵小食 有坊間少有嘅老友粉 通心米線 蓮藕粉 仲有自製脆腩 極為特別! 去馬鞍山不妨一試😙——————————————————————🌶️酸辣炸醬辣腩肉通心米線 （$47）炸醬滿滿一羹擺係面酸辣湯底同嗰啲雲乜雲乜差唔多🫡充斥著酸菜嘅酸和炸醬嘅鹹香加上啲通心米線肥嘟嘟滑捋捋咁😛入邊通心可以裝住啲湯汁做到同湯底合二為一 整體幾夠味😙個人叫咗微辣 嗜辣之人不妨叫辣啲！$47包炸醬 腩肉 腐竹仲勁多⋯幾抵玩！🐰耳仔飛起指數：9/10🐷豬骨炸醬桂林通心米線 （$47）呢款比酸辣湯底溫和啲似係酸辣湯底嘅走酸版額外加咗$10要魚腐 似黃譚魚腐嘅爽口版 但得2舊🐰耳仔飛起指數：7/10🥟鴛鴦煎餃 （$36）黃金津白木耳豬肉餃子 X 韭菜豬肉餃子有成六件似出面啲上海煎餃 件件都勁大件飽滿勁足料煎得香口 食落仲會爆汁 勁出色！個人最鐘意佢嘅韭菜豬肉餃子雖然豬肉唔多 但韭菜塞得滿滿勁香口嚟依度必食！！🐰耳仔飛起指數：10/10——————————————————————

呢間好出名 但我係馬鞍山住左咁耐都只係食過兩次😹佢個招牌老友粉真係幾得意 完全係食緊一條勁長既通粉 湯底好夠濃得黎又唔會過咸 大讚！同埋佢本身都好夠料 唔加餸都ok 唔會得齋面！

又係馬鞍山街坊分享時間💁🏻住左咁耐第一次去阿桂老友粉，原來係馬鞍山區都好出名，好多人會黎馬鞍山特登食佢😧我揀左蔥油腸仔豬扒飯套餐，再加左香脆炸雞翼5隻同埋煎韮菜豬肉餃子6隻😆本身本住試伏既心態食，因為成間舖既人都係食粉麵，無人食飯。點知食落好驚喜，豬扒肉質好鬆軟入味；腸仔係廚師腸煎得好香，係童年既味道；飯就偏淋身，硬身返少少就好🤏🏻小食真心出色：雞翼即叫即炸，好大隻，肉質鮮嫩，一咬落去爆晒汁(食個陣要小心d🤣)；韮菜豬肉餃子都好大隻，菜既份量多d，感覺上健康d，煎得好香唔覺得燶，咬落係脆既，唔算好重口味👍🏻

之前幫襯過堂食好幾次，覺得個脆腩肉幾好味，每次都因為有通心米線嚟食！之前收錢姐姐亦好好 次次食完有得儲印仔換小食！今次收工夜咗想買外賣返家食，返到去發現男伙記落錯單，竟然將每次必點嘅通心米線擅自幫我落咗普通米線！ 諗住都無辦法惟有硬食後來發現男伙記收完錢亦無俾返儲咗幾次嘅印仔卡我，於是打電話同佢講下次嚟拎返！ 講一肚氣 我唔係要求佢送返個啱嘅餐嚟，㒼塞男伙記死都唔認自己無落錯單又話已經俾返張印仔卡我 仲極無禮貌 有俾就唔會打去問吧！？ 叫佢睇返CCTV就知道實情係點 佢亦都拒絕 其實張印仔卡唔係咩好貴重嘅嘢 只係以往食開都想繼續儲 但經過今次之後谷鬼氣 以後無幫襯 幾好食都無用 請埋啲人無禮唔識轉彎 絕對可以幫手趕客👍🏻

本來以為 "老友粉" 係店名，點知原來係廣西南寧特色米粉。店舖比較細，坐位不多，專賣廣西特色粉麵，同埋小食。- 招牌南寧老友粉味道比較獨特，有少少酸味，偏酸辣，好開胃，比平時食開既麻辣更有風味。老友粉，配料好多，有酸菜，蒜頭，豆豉，番茄，肉片，時菜；如果唔夠可以另加脆皮肉，同埋水餃。- 乾撈炸醬桂林通心米線配料比較簡單，有炸醬，酸菜，花生，時菜，不過撈埋一齊食，就已經好惹味，好好食。通心米線真係好少食，比一般米線粗，中間是空心的，口感偏淋。

不經不覺，這間老友粉已陪伴著我十多年了。由以前中學吃到現在，已經習慣了每個星期六和日去吃豬扒通心米線🍜及韭菜餃子。最令人藉得欣賞的地方是清湯好清，韭菜餃有好多韭菜，不會有好多豬肉，仲有通心米線是最好食的米線之一！價錢便宜，環境舒服雖然環境比較小，但這樣就能夠安安靜靜地品嚐一碗米線🍜另外，還可以儲印仔換取小食。我真的好希望這一間老友粉永遠都屹立著，繼續有機會每個星期六日都去吃，再帶著愉快的心情回家。

【香港搵食🍴】阿桂老友粉 放工試吓食呢間先 遲一步又要排隊喇 叫咗個2人套餐138 包1個小食 2碗粉🍜 同2杯嘢飲🥛 🔹️口水雞肉質一般 辣就幾辣吓喇 🔹️豬骨湯脆皮肉桂林通心米線 （ 中辣）脆皮肉即係燒肉 皮脆肉滑 夾住少少肥膏 咬感一流👍👍👍 🔹️乾撈炸醬桂林通心米線（唔辣）可能啲炸醬本身都辣 所以成個米線都變辣 😬 ✅第1次食通心米線 幾爽幾特別✅夠大碗 加埋小食飽晒✅老細好搞笑 好nice 💲人均70 性價比高

新港城行行下街開始肚餓，搵到有間阿桂老友粉幾有情懷又有格調，於是入去試吓個招牌脆肉酸菜老友粉🍜，豬肉有炸得好香脆既皮，吸收湯汁。老友粉中間通空，成通心狀，增加表面面積，所以痴滿湯汁，嗌左中辣既我都忍唔到滴晒汗呀😅😅。佢香味比較特別，唔知係咪醃製配菜定炸肉，有種好濃厚既味道。地點:位於新港城第三期地舖，專做街坊生意😗。環境:茶餐廳style，衛生一般，地舖有小烏蠅飛。價錢:46蚊有碗粉，5-6塊炸肉，但粉份糧唔夠食，未夠飽。服務:只收現金💰，唔收八達通有啲唔方便呀。

每次係馬鞍山諗唔到食咩，我第一時間一定是想起老友粉，一間充滿人情味道的小店。有次忘記帶現金，店員叫我下次先食先比就可以了，真的十分有人情味。**招牌南寧老友通心米線($46)這款通心米線很特別，比一般米線粗，中間是空心的，口感綿密滑爽，有彈性之餘掛湯十分入味。湯底酸酸辣辣，配料有酸菜、蒜頭、豆豉、蕃茄、肉片和時菜，非常豐富。**炸木耳餃(+$12)餃子粒粒飽滿，炸得黃金酥脆。裡面包著木耳、粟米、白菜和豬肉，材料十分豐富。配搭醋食用一流。價錢實惠，食物好味，每次吃完都會滿足地離去😋

馬鞍山阿桂老友粉是我最近發現的一家美食店，它的味道和服務都讓我深深著迷。他們的老友粉很好吃，每次吃完都讓我垂涎三尺。此外，他們的店員也很友善，總是笑容滿面地招呼客人，讓我感到非常舒適和放鬆。我特別喜歡馬鞍山阿桂老友粉的環境，店裡的氛圍很舒適，讓我可以享受美食和放鬆身心。他們的價格也很合理，讓我可以在不用花費太多的金錢享受美味的食物和優質的服務。阿桂老友粉的湯汁非常濃郁，並且有著深厚的骨頭和香料味道，讓人垂涎三尺。而且，每次品嘗都能品嘗到新鮮的材料，從肉片到蔬菜，都是在當天現場製作。這種新鮮的口感讓我每次都想再回來。此外，阿桂老友粉的價格實在是太實惠了！雖然價格低廉，但他們的食材質量絕對不含糊。他們的服務也非常優秀，每次都能夠快速地提供服務，並且保持笑容和友好態度。總之，馬鞍山阿桂老友粉是一個非常值得一試的小店。他們的食材質量優秀，湯汁美味，價格實惠，服務優秀，這裡絕對是我最喜愛的小吃之一。如果你還沒來過這家店，我強烈推薦你來一試！

早一段時間係街聽見2個後生仔講尼到有間老友粉，完全唔知佢哋講乜，咁啱今日行過就係門口睇吓個餐牌，一路見有食客出出入入，應該唔錯呱，小店地方唔大，等左一陣先有位，唔識點就叫個2人餐，先上左個口水雞，真係有少少出乎我意料，以為小食係得2-3件，點知份量比酒樓例牌仲要多少少，之後上左個脆皮肉乾撈，即係廣東人嘅燒肉，雖則個皮只係少少脆，不過個味係ok嘅，個通心米缐就一般般，但要講下佢另上果碗湯仔，飲落係好似自己煲果D家常豬骨湯，唔似味精水，最後係麻辣豬扒米線，少辣都唔少嘢，食到流鼻水一心以為員工會好似譚仔阿姐講嘢有口音，但發覺佢地完全冇鄉音之餘仲好靜好溫文，雖然地方細人又多，但都算唔錯

路經門口，見有條短短的人龍, 於是便好奇入內試下我地叫左個二人套餐$138:招牌南寧老友粉，我走辣, 個湯底酸酸地又多料，好開胃😍老公都係叫招牌南寧老友粉, 佢就食微辣, 嘩佢果碗仲好味小食叫左招牌脆皮肉, 嘩！淨係睇外表已經知道有幾邪惡😏，咬落口塊皮真係好脆好香🤤, 我一邊食一邊提自己係最後一舊，但最後都係忍唔到口, 清左碟😋🙈🙈個餐仲有2杯飲品. 我地都不約而同話: “一定會再encore”, 下次試埋其他小食.

睇完X紙介紹,試完burger😛↪️就順便轉個彎嚟試埋通心米線🤣通常食湯米線🥣, 不過因為今次外賣喺車食🙈🥢所以嗌咗熱撈, 食得方便啲🤧🔸乾撈脆皮肉桂林通心米線 $41 6/10 脆皮肉｜酸菜｜花生🥜｜唐生菜 🥬通心米線口感幾特別, 帶點煙韌😲米線偏淋身, 有幾條未煮熟😢醬汁偏淡味🤏🏻脆皮燒肉係唔錯的😋, 皮好脆 肥瘦適中👍🏻但切嘅厚度不太平均, 有2塊都好薄切🫣

難得遠征馬鞍山，今次👧🏻就揀咗一間出面冇得食嘅通心米線店 - 阿桂老友粉。對於唔食螺絲粉/荀嘅👦🏻👧🏻嚟講，絕對係伏😭！小食亦太過重口味。只可以講，口味呢啲真係好睇人😌。🌟豬骨湯//乾撈脆皮肉+豬扒桂林通心米線本身👦🏻👧🏻都係叫豬骨湯米線，不過餐廳卻上咗乾撈米線，咁唯有照食出咗餐嘅乾撈😌，結果個人認為乾撈表現好過豬骨湯。兩者都有酸菜、花生🥜等配料，辣味來源係來自豆瓣醬🌶️。不過湯底明顯落咗荀，有一大陣酸笋味🥹，結果👦🏻完全冇飲過湯只食米線同肉。通心米線質感相對偏軟。而燒肉都係普通質素，似係燒味舖交返嚟。燒肉皮都算係脆脆地，不過浸湯後就一定變腍，冇咩驚喜。另外👦🏻就加多咗個小食-豬扒。不過豬扒調味略咸(其實都幾鹹下🥺)。豬扒又切得太碎，大細不一，連平時食野好少食淨野嘅👦🏻都表示放棄，食淨半碟。