影片
更多
2022-08-10
334 瀏覽
奧海城行街見到新開咗間日本天婦羅專門店，忽然間醒起之前喺葵芳見過呢間勁多人排隊，眼見六點幾時間尚早暫時未出現人龍，我地就即興決定入去食🍤員工安排我地坐吧枱位，可以一路食一路望住師傅做嘢，整個廚房環境非常之整潔乾淨！呢度用qr code落單，主要食天丼、稻庭烏冬，其餘係追加配料同飲品。每人都有一杯黑豆茶 ，飯後去油解膩必飲！🔸迷你天丼&稻庭烏冬（溫）呢個set一次過食到天丼同埋稻庭烏冬，超抵食‼️🍜稻庭烏冬最有趣地方係食前會遞上一個巨型木盒，裡面有天婦羅碎、蔥花、鏗魚花同紫菜一共4款配料任你加😍 自選配料+溫泉蛋連烏冬撈勻一齊食，口感滑溜！.🍚迷你丼飯嘅天婦羅主要係蔬菜類，有海老、炸溫泉蛋、海苔、莢豌豆、菇菌、南瓜，入口酥酥脆脆，食到天然嘅濃郁菇菌味同南瓜甜，再拮穿溫泉蛋撈飯！🔸期間限定·車海老軟殼蟹天丼呢碗天丼食材特別豐盛，除咗有蔬菜類嘅天婦羅，最吸引係有兩大條手掌咁長🫲嘅竹節蝦、原隻軟殼蟹、小柱魷魚天婦羅餅🤤餐廳特別用日本特製麻油同埋日本製天婦羅小麥粉炸到酥脆，依然保留到佢地原有肉質個種爽彈感！.等緊期間我留意到廚房師傅鋪好天婦羅之後會先淋上醬汁，唔怪之得食起上嚟甜甜地又唔會覺得乾爭爭
員工安排我地坐吧枱位，可以一路食一路望住師傅做嘢，整個廚房環境非常之整潔乾淨！
呢度用qr code落單，主要食天丼、稻庭烏冬，其餘係追加配料同飲品。
每人都有一杯黑豆茶 ，飯後去油解膩必飲！
🔸迷你天丼&稻庭烏冬（溫）
呢個set一次過食到天丼同埋稻庭烏冬，超抵食‼️
🍜稻庭烏冬最有趣地方係食前會遞上一個巨型木盒，裡面有天婦羅碎、蔥花、鏗魚花同紫菜一共4款配料任你加😍 自選配料+溫泉蛋連烏冬撈勻一齊食，口感滑溜！
.
🍚迷你丼飯嘅天婦羅主要係蔬菜類，有海老、炸溫泉蛋、海苔、莢豌豆、菇菌、南瓜，入口酥酥脆脆，食到天然嘅濃郁菇菌味同南瓜甜，再拮穿溫泉蛋撈飯！
🔸期間限定·車海老軟殼蟹天丼
呢碗天丼食材特別豐盛，除咗有蔬菜類嘅天婦羅，最吸引係有兩大條手掌咁長🫲嘅竹節蝦、原隻軟殼蟹、小柱魷魚天婦羅餅🤤餐廳特別用日本特製麻油同埋日本製天婦羅小麥粉炸到酥脆，依然保留到佢地原有肉質個種爽彈感！
.
等緊期間我留意到廚房師傅鋪好天婦羅之後會先淋上醬汁，唔怪之得食起上嚟甜甜地又唔會覺得乾爭爭！
張貼
