大街餐廳由Coca-Cola®呈獻

營業中

休息中

大街餐廳好多時都排長龍，而且用唔到會員折扣。係主題公園食都唔會好期待佢係好好食同一定係貴，但真係好麻麻，雞肉串燒唔夠熱，羊肉有少少”銀” 。菜分量都好少。其他野食正常普普通通。個Ketchup另外叫佢畀的，好好笑，Ketchup都有裝飾 米奇老鼠外形。大蝦沙巴翁唔係好識欣賞個泡沫。個味同芒果 蝦唔係好夾。雪糕方面，個青檸雪芭好酸，唔係好岩小朋友口味，個裝飾朱古力外形好得意，但好硬同味道普通，一樣唔係好岩小朋友。最難食係芒果布丁(兒童餐)，冇影到，果種芒果糖好假既芒果味。食物質素真心麻麻，雖然餐廳環境同氣氛係好，d野食同野飲造型同擺盤好有心思，眼覺上係有滿足，但味道上普通。如果可以放到少少心思係食物質素上會更好。同埋佢唔畀大人同小朋友share一個餐再加跟餐甜品，不論大小，有最低消費要計一個餐/主食或者一個散叫野飲甜品。