暹羅苑

營業中

休息中

呢間餐廳夠大，坐位都多，雖然有時都會滿坐要等一陣，但係呢度附近黎講，同一班同事食飯一般都唔洗分枱。價錢方面算係屬於中間等，係呢區食飯都差唔多係呢個價位，50-60蚊*凍飲係唔需要加錢*凍飲係唔需要加錢*凍飲係唔需要加錢好重要所以講三次。食物方面質素都唔錯。我自己叫咗個海南雞飯，油飯夠香，而且粒粒乾身分明，啱晒我口味，不過鍾意食軟飯嘅人就未必啱胃口啦。雖然隻雞做唔到皮下有透明啫喱嘅效果，但都算幾滑。如果特登叫雞髀嘅話好似要加5蚊，但唔特登叫嘅話有時佢都會比雞髀你。如果幾個同事一齊叫海南雞飯嘅話就總會有人係食到雞髀啦。個醬汁就係酸酸甜甜有少少辣咁，點雞都OK。有同事叫咗個冬陰公湯粉，覺得幾野味但偏酸。我自己都有食過，都有同一樣嘅感覺。仲有同事叫咗個青咖喱飯同咖喱牛腩飯，雖咖喱牛腩飯我唔記得咗影相，不過佢哋都話覺得好食，下次黎都可以再點。