影片
更多
2025-07-19
2628 瀏覽
去咗尖沙咀黑木亭試新出既A5宮崎和牛拖羅日式放題，平日夜晚7折後$389一位，120分鐘任食，食物種類多，一入場先見到熟食、沙律、飲品區，仲有甜品Häagen - Dazs雪糕添！不過我哋目標好清晰——主攻松葉蟹腳、拖羅、鵝肝、海膽等高質食材， 仲有D24榴槤任食添，簡直係日料迷嘅盛宴！刺身選擇豐富， 新鮮美味🤤極品大赤蝦 ，大隻彈牙，咬落鮮甜。松葉蟹腳 肉厚飽滿，拆出嚟嘅蟹肉又嫩又甜，食左2轉。北海道鮮帶子 大粒肥美，拖羅肥美無筋，仲有象拔蚌刺身非常爽彈。和牛同串燒類都好正，A5宮崎和牛壽喜燒 ，和牛油脂勁香，吸晒甜醬汁，入口即溶；A5宮崎和牛火焰壽司 ，炙燒過嘅和牛邊緣微焦，中心嫩到出汁，配埋壽司飯，滋味層層疊。牛舌芯串燒 爽脆入味，燒汁惹味，食完一串仲想追加。創意小食都好有驚喜，海膽魚籽薄脆TACO ，薄脆「咔嚓」聲好過癮，海膽鮮甜，魚籽卜卜脆；鵝肝牛肉薄脆TACO ，鵝肝軟滑似冰淇淋，牛肉香濃，薄脆托住兩種油脂，咬落滋滋冒香，罪惡又好食。時令海膽軍艦 ，海膽鋪到滿瀉，鮮甜到痹。重點推仲下磯煮大根鮑魚 ，大根（蘿蔔）燉到腍哋，吸晒鮑魚同湯汁精華，鮑魚彈牙入味，呢個必叫👍🏻鮑魚蟹粥
刺身選擇豐富， 新鮮美味🤤極品大赤蝦 ，大隻彈牙，咬落鮮甜。松葉蟹腳 肉厚飽滿，拆出嚟嘅蟹肉又嫩又甜，食左2轉。北海道鮮帶子 大粒肥美，拖羅肥美無筋，仲有象拔蚌刺身非常爽彈。
和牛同串燒類都好正，A5宮崎和牛壽喜燒 ，和牛油脂勁香，吸晒甜醬汁，入口即溶；A5宮崎和牛火焰壽司 ，炙燒過嘅和牛邊緣微焦，中心嫩到出汁，配埋壽司飯，滋味層層疊。牛舌芯串燒 爽脆入味，燒汁惹味，食完一串仲想追加。
創意小食都好有驚喜，海膽魚籽薄脆TACO ，薄脆「咔嚓」聲好過癮，海膽鮮甜，魚籽卜卜脆；鵝肝牛肉薄脆TACO ，鵝肝軟滑似冰淇淋，牛肉香濃，薄脆托住兩種油脂，咬落滋滋冒香，罪惡又好食。時令海膽軍艦 ，海膽鋪到滿瀉，鮮甜到痹。
重點推仲下磯煮大根鮑魚 ，大根（蘿蔔）燉到腍哋，吸晒鮑魚同湯汁精華，鮑魚彈牙入味，呢個必叫👍🏻
鮑魚蟹粥 ，超級足料， 超大蟹腳加鮑魚，粥底綿密，鮑魚食落爽彈，每啖都鮮甜。
食完當然要食埋D24榴槤 ，綿密香甜，榴槤控必食！
120分鐘食到扶牆，刺身新鮮、和牛香、創意料理正，仲有鮑魚蟹粥，海膽，榴槤，雪糕任食，絕對係近期食過最滿足嘅放題！👍🏻
張貼
