農

營業中

休息中

朋友推介位於科學園嘅一間新派餐廳，將農家菜煮成一系列創新又打卡able嘅中菜款式，環境清幽有格調，設有室外同室內位置，價錢合理，絕對係假日嘅好去處地方之一🤪前菜有花雕雞卷同盤裁冰菜，雞肉滑嫩，皮薄，帶點酒香味、冰菜十分爽口，加埋胡麻醬感覺更加清身！爆汁乳鴿係呢度嘅招牌菜，經滷煮再油炸，外脆內嫩，肉滑多汁，必點之選🙈點心有拉絲啤梨同BB雞，賣相可愛迷人，前者軟糯甜蜜、後者有流沙效果！估唔到燉湯都有肉骨茶，以茶壺上，口味溫和，飲落好暖胃呀🥰 烈焰菠蘿炒飯運用泰國香米，配上菠蘿同什錦蔬菜大火炒至而成，鹹、酸、鮮、甜、香，口感層次豐富，係視覺同味覺嘅雙重享受🍍 火雲叉燒以西班牙伊比利亞黑毛豬製成，上枱時店員會點火燃起火焰，叉燒肥瘦適中，帶點焦香味，油脂分佈平均，色澤鮮亮，值得一試👍🏻漁功大箭桶係魷魚咁解，以竹籤穿起插上漁籃上，超級打卡able，原條烤製，帶點嚼勁，食落唔乾，鮮味十足，香辣惹味，幾有驚喜🦑 湘炒筍煲出面比較罕見，本身以為好辣原來得個樣～ 鮮筍切段後加入辣椒同臘肉一齊炒，油香滿滿，鮮筍啱啱好中和到臘肉嘅鹹味，兩者配合得幾好！最後以柚子花精凍作結，柚子香氣突出，口感Q彈，配埋冷泡茶真