翠林辣蟹舫

營業中

休息中

朋友係蟹痴，趁佢就黎生日，揀咗呢間網紅蟹店--翠林辣蟹舫，同佢慶祝一下。臨近新年，除咗可以食蟹仲可以品嚐不同款式的賀年菜。新春期間，指定炒蟹及菜式都有8折。我哋點咗黃金豆腐，發財蠔豉大利，燒汁金菇牛肋骨同避風塘炒蟹，非常豐富。黃金豆腐切到一口大小，外表炸得酥脆，內裡卻仍然十分嫩滑，配上泰式辣醬份外惹味，而且份量十足，適合多人分享。發財蠔豉大利是新年菜式，喻意發財好事大吉大利吧，新年才食到，當然要一試。蠔豉及豬脷都燜得好淋好入味，底下鋪著生菜，上面鋪滿發菜，層次豐富，味道甚佳。燒汁金菇牛肋骨外表炸過，非常特別。牛肋肉燜得十分淋，幾乎入口即化，而且牛味濃郁，十分推介。避風塘炒蟹賣相精緻，打卡一流!侍應見我哋唔夠力開蟹鉗仲主動幫我哋開，十分貼心。避風塘口味可以揀辣度，十分惹味，令人胃口大開，吃不停。除了蟹鉗多肉，蟹身都係啖啖肉，絕對不能錯過這美食。配上普洱茶，真係好享受。