影片
更多
2022-07-28
59 瀏覽
無論天氣幾熱都要食雞煲，雞煲一向都係香港人最愛頭十位！今日我要介紹其中一間最好食嘅雞煲～米走雞🐔佢地有2款招牌雞煲係必試👍🏼👍🏼꒰ 火焰麻辣雞煲 & 黃金芝士雞煲 ꒱之前試過黃金芝士雞煲，芝士超濃郁、好邪惡好正！今次試埋佢個火焰麻辣雞煲，都一樣甘出色！🔥火焰麻辣雞煲 $198（小）2-3人雞煲加左好多新鮮同乾辣椒碎，再加上秘製辣醬，真係辣得好刺激，而且香料味都好重，絕對唔係得死辣，味道超有層次！雞肉有好多塊，絕對夠食。而且大部分雞都用左雞脾肉，雞肉軟嫩多汁🤤 再配上多種配菜：洋蔥、紫洋蔥、中芹、芫荽...超級正！洋蔥同紫洋蔥愈煮愈入味，仲好甜，夾埋雞肉食真係完美既組合！食晒d雞就開始打邊爐啦，食物種類都幾多，有d仲可以揀半份幾好，2人食都可以試多幾款！湯底有辣同清湯揀，由於我地叫得太辣，所以湯就加左清湯。今次叫左以下幾款野食+飲品◎ 手打5寶拼盤 $63（半）◎ 澳洲牛舌 $98◎ 鵝腸 $53◎ 鴨血 $43◎ 娃娃菜 $28（半）◎ 竹蔗茅根 $78（壺）‖ 手打5寶拼盤 ‖ 5寶有 墨丸、蝦丸、牛丸、鯪魚丸、豬肉丸粒粒手打，好彈牙、勁大粒好足料。‖ 澳洲牛舌 ‖ 牛舌切成薄片，油
今日我要介紹其中一間最好食嘅雞煲～米走雞🐔
佢地有2款招牌雞煲係必試👍🏼👍🏼
꒰ 火焰麻辣雞煲 & 黃金芝士雞煲 ꒱
之前試過黃金芝士雞煲，芝士超濃郁、好邪惡好正！今次試埋佢個火焰麻辣雞煲，都一樣甘出色！
🔥火焰麻辣雞煲 $198（小）2-3人
雞煲加左好多新鮮同乾辣椒碎，再加上秘製辣醬，真係辣得好刺激，而且香料味都好重，絕對唔係得死辣，味道超有層次！
雞肉有好多塊，絕對夠食。而且大部分雞都用左雞脾肉，雞肉軟嫩多汁🤤 再配上多種配菜：洋蔥、紫洋蔥、中芹、芫荽...超級正！洋蔥同紫洋蔥愈煮愈入味，仲好甜，夾埋雞肉食真係完美既組合！
食晒d雞就開始打邊爐啦，食物種類都幾多，有d仲可以揀半份幾好，2人食都可以試多幾款！湯底有辣同清湯揀，由於我地叫得太辣，所以湯就加左清湯。
今次叫左以下幾款野食+飲品
◎ 手打5寶拼盤 $63（半）
◎ 澳洲牛舌 $98
◎ 鵝腸 $53
◎ 鴨血 $43
◎ 娃娃菜 $28（半）
◎ 竹蔗茅根 $78（壺）
‖ 手打5寶拼盤 ‖
5寶有 墨丸、蝦丸、牛丸、鯪魚丸、豬肉丸
粒粒手打，好彈牙、勁大粒好足料。
‖ 澳洲牛舌 ‖
牛舌切成薄片，油脂均勻，灼幾秒就食得。而且牛舌脂肪含量比較低，熱量低過肥牛，食多少少都唔驚肥🤭
‖ 鵝腸 ‖
超級爽口，分量超多，淥左好多轉都仲有，而且清洗得好乾淨。
‖ 鴨血 ‖
每一塊都好厚切😍 口感軟滑，無腥味。
‖ 娃娃菜 ‖
夠新鮮🥬 最鍾意娃娃菜吸晒湯底嘅精華🤤
最後點少得飲返杯凍嘅竹蔗茅根，清下熱同解解辣🥵
______________________________
好味指數：⭐️⭐️⭐️⭐️ (4/5)
環境服務：⭐️⭐️⭐️(3/5)
打卡指數：⭐️⭐️(2/5)
回頭率：⭐️⭐️⭐️⭐️(4/5)
📍 米走雞Deluxe (銅鑼灣)
銅鑼灣渣甸街50號渣甸中心3樓
張貼
