麻辣派對 (瑞生酒店) (已結業)

又双叒叕去麻辣派對食飯，一想食辣野尼度真係走唔甩！佢哋嘅菜單好多選擇，唔食水煮都有香鍋/小菜揀☺️今次有staff推介燒乳鴿做緊promo，試一試都ok，乳鴿燒得外脆內軟，咬落去熱辣辣，不過唔夠juicy有進步空間🤓🐟 水煮魚係必點，叫左鮮椒水煮桂花魚＋花菜、鮮牛肉、水晶粉桂花魚比江團魚有魚味，雖然有少少骨，但識食魚嘅一定揀桂花魚！魚肉好鮮嫩，煮得剛剛好，份量十足🤗鮮椒味道比一般水煮更加豐富同麻，配鮮牛肉都好夾，水晶粉煮得彈牙，吸晒汁好好食🤤食辣野一定要飲尼度嘅水果茶，大讚可以走甜，清新解渴，水果片新鮮，飲完我通常都會食埋，冇肚痛😆