影片
更多
2021-04-22
2471 瀏覽
早幾日去咗行「貓·美術館」，場內氣氛真係一流，可惜當日人潮實在太多，無法靜靜感受，所以趁今日得閒，決定再去「貓視覺長廊」逛逛，盡情遊走於不同時代的喵星球藝術史。行完已經接近下午兩點，有人提議去轉角位嗰間主打星馬菜嘅「咖吔」食晏。餐廳環境非常舒適，木檯櫈再配以吊扇和植物裝飾，設計充滿東南亞熱帶風情。原來餐廳下晝有 Tea Set 供應，而且選擇很豐富，足足有成 15 款，定價由 $36-$78 不等，另設加一服務費。我哋點咗三個餐，包括有海南雞飯 ($68)、馬來炒貴刁 ($78) 同 斑蘭咖吔多士($36)。呢 Set 海南雞飯雖然係下午茶餐，但絕對無將貨就價，送上時配有油飯、冬瓜湯同三色醬，用料十足。海南雞選用了三黃雞，雞肉軟腍嫩滑、有肉汁；油飯粒粒分明，入口啖啖雞油香。辣醬辣得夠刺激，有新鮮辣椒的味道；而黑豉油亦稠身香甜、富豆香，配雞件食，甚具滋味！馬來炒貴刁水準不俗，河粉同油麵用甜醬油及參巴醬爆炒過，鑊氣十足，加上新加坡甜臘腸、魷魚、蝦隻、蔥段和芽菜等多款配料，入口鹹甜適中，帶點微辣。最後送上的斑蘭咖吔多士，亦是必吃之選。麵包烘得非常香脆，咖吔醬塗得很慷慨，入口有好重椰香味， 配
行完已經接近下午兩點，有人提議去轉角位嗰間主打星馬菜嘅「咖吔」食晏。餐廳環境非常舒適，木檯櫈再配以吊扇和植物裝飾，設計充滿東南亞熱帶風情。
原來餐廳下晝有 Tea Set 供應，而且選擇很豐富，足足有成 15 款，定價由 $36-$78 不等，另設加一服務費。
我哋點咗三個餐，包括有海南雞飯 ($68)、馬來炒貴刁 ($78) 同 斑蘭咖吔多士($36)。
呢 Set 海南雞飯雖然係下午茶餐，但絕對無將貨就價，送上時配有油飯、冬瓜湯同三色醬，用料十足。海南雞選用了三黃雞，雞肉軟腍嫩滑、有肉汁；油飯粒粒分明，入口啖啖雞油香。
辣醬辣得夠刺激，有新鮮辣椒的味道；而黑豉油亦稠身香甜、富豆香，配雞件食，甚具滋味！
馬來炒貴刁水準不俗，河粉同油麵用甜醬油及參巴醬爆炒過，鑊氣十足，加上新加坡甜臘腸、魷魚、蝦隻、蔥段和芽菜等多款配料，入口鹹甜適中，帶點微辣。
最後送上的斑蘭咖吔多士，亦是必吃之選。麵包烘得非常香脆，咖吔醬塗得很慷慨，入口有好重椰香味， 配埋中間嗰塊香滑的牛油，絕對是無敵組合，食完真係好有滿足感。
跟餐飲品點咗馬來拉茶、桔仔話梅冰同香茅橙茶，拉茶香滑細緻，茶味濃厚。話梅冰夠晒醒胃，每一口都充滿話梅的酸香，冰涼解渴；而橙茶味道亦好鮮爽，有好重橙香味。
張貼
