影片
更多
2025-01-21
452 瀏覽
我一直都好想試呢間手做意粉專門店。但由於佢嘅位置比較偏僻又喺屯門，所以一直都未有機會。直至今次去開屯門整回鄉證，總算搭輕鐵停一停喺呢一個安靜嘅小社區。店員一開始建議我哋可以坐Bar枱，但由於當日天氣都非常清涼，所以我哋揀咗坐室外嘅位置。室外嘅位置剛好就係喺輕鐵路軌側邊，但由於係平日，行經嘅人唔多，所以坐喺室外嘅位置幾舒服。講返個餐牌，set lunch定價130幾蚊包一個前菜煮菜同甜品，以屯門區嚟講唔算特別實惠，但如果以主廚曾經喺米芝蓮餐廳工作嚟講都非常之值得一試。當日前菜係凍肉拼盤而是日餐湯就係蕃茄湯我哋兩份午餐都揀咗凍肉拼盤，凍肉拼盤嚟講有三種凍肉，包括西班牙肉腸，西班牙火腿同埋一種凍豬肉腸。凍肉拼盤質素冇特別好，但份量都對得住個價錢中規中矩。至於主菜意大利幼麵做得非常彈牙，是正宗的al dente，而卡邦尼醬汁亦非常傳統地運用蛋黃同調製而成，唯一美中不足係醬汁溫度有啲高，令到醬汁有啲起粒。至於意大利短面都好好食，橄欖酸豆醬汁亦都做得非常之好味道酸辣適中。如果八爪魚可以稍微用火槍燒一燒就更加完美。最後甜品令每台客人都相當驚喜。雖然味道係可以預想得到嘅紅莓芒果雪葩，但佢嘅造型基本上喺
直至今次去開屯門整回鄉證，總算搭輕鐵停一停喺呢一個安靜嘅小社區。
店員一開始建議我哋可以坐Bar枱，但由於當日天氣都非常清涼，所以我哋揀咗坐室外嘅位置。室外嘅位置剛好就係喺輕鐵路軌側邊，但由於係平日，行經嘅人唔多，所以坐喺室外嘅位置幾舒服。
講返個餐牌，set lunch定價130幾蚊包一個前菜煮菜同甜品，以屯門區嚟講唔算特別實惠，但如果以主廚曾經喺米芝蓮餐廳工作嚟講都非常之值得一試。
當日前菜係凍肉拼盤而是日餐湯就係蕃茄湯我哋兩份午餐都揀咗凍肉拼盤，凍肉拼盤嚟講有三種凍肉，包括西班牙肉腸，西班牙火腿同埋一種凍豬肉腸。凍肉拼盤質素冇特別好，但份量都對得住個價錢中規中矩。
至於主菜意大利幼麵做得非常彈牙，是正宗的al dente，而卡邦尼醬汁亦非常傳統地運用蛋黃同調製而成，唯一美中不足係醬汁溫度有啲高，令到醬汁有啲起粒。
至於意大利短面都好好食，橄欖酸豆醬汁亦都做得非常之好味道酸辣適中。如果八爪魚可以稍微用火槍燒一燒就更加完美。
最後甜品令每台客人都相當驚喜。雖然味道係可以預想得到嘅紅莓芒果雪葩，但佢嘅造型基本上喺普通餐廳唔會做嘅，可以見到主廚都有喺甜品上面花咗啲心思。
最後雖然唔係每一道菜式都係最完美，但係呢一餐食得都幾開心。餐廳嘅工作人員都非常之有禮貌同貼心，亦會細心介紹每一道菜。如果有機會下一次會再去試一試旁邊同一位老闆嘅拉麵店。
20 瀏覽
0 讚好
0 留言
凍肉拼盤
36 瀏覽
0 讚好
0 留言
傳統卡邦尼手做意大利幼麵
5 瀏覽
0 讚好
0 留言
手做意大利短通粉辣，橄欖蕃茄酸豆醬，八爪魚
17 瀏覽
0 讚好
0 留言
芒果紅莓雪葩雪條
15 瀏覽
0 讚好
0 留言
張貼
