御名軒

營業中

休息中

前幾日收工同客食飯，諗住去附近搵間餐廳，公司附近就有呢間御名軒，見到佢有個好特別嘅餐牌，係食私房菜，見到個餐牌啲嘢都幾啱食，於是就同客去試一試。頭盤先黎三個小食，分別係麻醫矮瓜炸子雞同埋煎豆腐，擺得都幾骨子。然之後兩個人就有兩個湯，一個係螺頭燉竹絲雞，令一個係翅，水準非常之高，好食過婚宴嗰啲多多聲。之後幾味餸，鮑魚、蝦球炒蛋白、蟹肉扒蘆筍，同燴美國牛肋條都非常之細膩，好好食，唔講以為去咗高級中餐館嗰度食飯。最特別係跟住嗰味，藥膳蒸滑雞，嗰啲藥膳味非常之突出，同過雞好夾。最後黎番三件精緻嘅中式糕點作結。我覺得都算不錯的私房菜，細細碟都幾足料，人少少都可以食中菜。