御名軒

營業中

休息中

餐廳就在地鐵站一出就看到了，今天是平日晚上，客人都挺多的，大廳接近全滿了，而且現在有在做超划算的晚市優惠，真的可以試試！古法羊腩煲（２４８元）性價比不錯的，同場也有挺多人叫了這個羊腩煲！羊腩燉煮得非常軟嫩，帶油脂的地方入口即化，皮都是嫩嫩的質感，而且不會羶，吃的時候再配上鹹香的腐乳來吃，味道更香濃！配料也有很多腐竹，冬菇，馬蹄和竹筍。另外本身送了一份生菜，最後用湯汁來煮，味道特別香濃，菜脆嫩。紅燒雞絲翅 （１元）這裡的晚市限時優惠，性價比無敵，喝起來陣陣的雞肉香和魚翅的鮮甜，而且真的能吃到有一片片的魚翅的。雖然可能不是什麼貴魚翅，但只要１元就買不了吃虧了。椒鹽海生蝦（１２８元）一份的量也挺足的，而且還很好的將蝦頭的腳和刺剪去，吃的時候整個直接吃就好了！蝦炸得酥脆，口感彈牙，有蝦味，配上大量的椒鹽和炸蒜，味道惹味。豉椒炒肥蜆（９８元）炒得挺有鑊氣的，豉椒味香濃，再加上鮮甜的肥蜆，挺下飯的！

約左個舊朋友見面，大家都係雞啄唔斷嘅人，最好就當然係搵個不限時嘅地方食飯。不限時一般都係酒樓啦，唔洗煩，感覺呢間酒樓做開街坊生意，唔會坐得好侷促。咁岩天氣轉涼，一於整個羊腩煲補補身暖下胃。羊腩煲湯底濃郁，份量不少，羊肉嫩滑入味，而且支竹冬菇馬蹄冬筍呢啲配料都相當多，配埋腐乳更加胃口大增，湯汁加腐乳撈飯亦都好正，有種童年回憶嘅感覺。羊腩煲 $248點羊腩煲時都唔記得係有生菜，我地又自己點個菜，食多啲菜健康啲丫嘛，芥蘭夠哂爽口，臘腸潤腸臘肉份量都唔少，而且每片都夠厚實惹味。芥蘭炒臘味 $128傳統雞絲翅，每碗花膠魚翅用料充足，對得起呢個價錢，加少少醋，鮮味更突出。紅燒雞絲翅 $238都自知兩個人唔食得多，所以無叫好多主食，反而開頭小食叫多啲，可以慢慢吹水傾偈。外脆內滑 八味豆腐 $58爽口彈牙 沙薑豬手 $78開胃之選 手拍青瓜海蜇 $58整體每個菜式份量相當大，好抵食，人少的話建議先點一兩個餸再決定還要點些什麼。😉📍御名軒電氣道22-52號金殿大廈1樓

今次同屋企人專登去天后御名軒酒樓，因為之前都食過一次覺得好抵食，依家酒樓推出晚市三寶🤩冬瓜盅🥒鮑魚鵝掌🪿及 片皮鴨🦆，每道菜都大大碟，價錢亦相當實惠，仲有大閘蟹優惠 - 每隻$68,  今次組團一齊去食個豐富大閘蟹宴呀🤗💫大閘蟹 🦀新鮮即整肉質鮮嫩，一打開蟹膏香濃，每隻$68優惠價絕對物有所值，搭配醋和姜絲，味道更加突出，果然是食大閘蟹時令季節👍💫片皮鴨 🦆鴨皮脆肉嫩，外皮金黃酥脆，內裡的肉質則非常多汁，不過我略嫌鴨肉太多不夠鴨皮的油膩感，搭配薄餅和甜醬，口感層次分明，不過不失😌💫羊腩煲 🍲羊腩煲湯底濃郁，羊肉煮得剛剛好，軟嫩入味，每一啖加上腐乳醬好入味，🐑羊腩煲湯底配上新鮮的生菜，暖胃又滿足，特別適合依家轉冷天氣！🌬️晚市孖寶 🍽️🎉💫清蒸老虎斑 🐟清蒸魚肉鮮嫩，保持了海鮮的原汁原味，搭配簡單的調味，確實是爸爸的最愛💕🌊💫蓮藕老火湯 🍲蓮藕老火湯大大煲夠我們四人飲，湯底清甜，蓮藕的口感脆嫩，仲有好多肉骨精華好鮮甜，喝上一口，暖心又暖胃，飯後仲有甜品紅豆沙送，幸福滿滿!!! ❤️

秋風起，食大閘蟹時候到啦！今日帶媽媽去御名軒食大閘蟹，佢地提供清水大閘蟹，肥美多膏既蟹公真係我的最愛！邊食邊叫 I Love 蟹公！ 酒樓平日晚市都好熱鬧，男女老幼都有，家庭客，朋友聚餐，連外國人都黎食。紫蘇蒸大閘蟹兩隻大蟹公，每隻約4両半，多蟹膏，好香口美味，勁滿足，正呀！！蠔皇鮑魚扣鵝掌鮑魚size算大隻，鵝掌掛滿醬汁好滋味，仲有西蘭花也浸滿醬汁。太史五蛇羹好多料除左有蛇肉外，還有冬菇、木耳、冬筍等等，還伴有菊花和脆片，一齊食會更清香。風味小碟叉燒肥瘦均勻好味道， 燒腩仔香口，青瓜清爽臘味糯米飯有臘味粒、花生、蛋絲，飯粒飽滿，充滿水份唔乾硬，岩我食。薑汁蒸軟糕兩大件， 煙韌軟糕有淡淡薑味，食完蟹食薑汁軟糕都唔錯。川味酸菜魚好大盤酸菜魚，充滿麻香，好足料，除左有魚塊和酸菜外，還有薯粉、雲耳、菇塊、芽菜等等，超級豐富。蜜椒京蔥爆牛仔骨有十幾塊牛仔骨，又厚身又大塊，有鑊氣味，抵食。擂沙芝麻湯丸有3粒，芝麻湯圓面層蘸滿了花生碎，比普通湯圓更惹味。

話說今日喺天后地鐵站見到有個廣告，寫住某酒樓片皮鴨只係$98。之後再search吓，原來佢仲有大閘蟹食，價錢仲好親民，於是今晚就試吓佢。“御名軒”就喺天后站A2出口，佢同好多酒樓一樣，會有啲晚市優惠。除咗片皮鴨，佢仲有$68一隻約4.5兩大閘蟹，$248連生菜嘅羊腩煲等等。但佢最吸引嘅地方，係所有以上嘅優惠可以一齊用。片皮鴨半隻 $98片皮鴨嚟嘅時候已經切好晒，我最欣賞佢嘅皮係相當脆，唔會有太多餘嘅肉。薄餅比較特別佢係切成半圓形，相對更加容易包埋同冇咁易散開。古法羊腩煲連唐生菜 $248其實嚟到個煲相當大，連同唐生菜，差唔多擺咗半張枱。但嗰陣我哋仲未識驚，結果食到最後要你推我讓😂。因為羊腩嘅份量多，而且仲有枝竹、竹笙、馬蹄、冬菇等等，當中嘅冬菇又大隻又淋。而羊腩亦炆得非常入味。清水大閘蟹 $68四兩半嘅大閘蟹，呢個價嚟講係相當抵食，難怪周圍嘅人都喺度係咁剪剪剪。佢已經有埋鉸剪等工具，同加咗薑嘅蟹醋。打開一睇，大閘蟹嘅蟹膏相當多，有圖有真相。我哋兩個人食四隻已經夠皮。由於啲優惠可以一齊用，所以我哋叫嗰陣都冇好就住。一個涼涼地嘅晚上，有大閘蟹、片皮鴨同羊腩煲相伴，何止暖身？

呢度早茶經濟又實惠•最平$19.8就有孖寶•仲係一個蒸飯配一個點心•另外亦有$27.8同$33.8孖寶選擇•所以經常嚟呢度飲早茶•今日同朋友嚟呢度飲早茶先介紹一下呢個孖寶•我經常都係叫•鳳爪排骨飯搭蠔皇鮮竹卷•另外一個孖寶•當然次次都選擇最貴那兩樣•就係御名軒蝦餃皇•呢個正價都收$30.8•孖寶收$32.8計算上嚟另一款點心就係$2今日拼一個芋頭鴨腳扎•先講蝦餃外皮稍厚•但蝦味十足•而且蝦肉爽口彈牙•鴨腳扎有咬口•味道就普通至於鳳爪排骨飯放落枱面香噴噴排骨有四大舊又香口•飯又充滿飯香•蠔皇鮮竹卷十分惹味•兩人埋單都係$90•真係超值•••再提我經常一條友嚟嘆早茶•叫$19.8孖寶連茶連加一服務費每次$33就落樓•平過去大家樂及麥當勞•

早茶原來不是開如Google 內容開7點，但又開咗門，開哂燈，坐低自己沖茶，見到厨房師傅一問才知開8點，些足一小時都冇招呼，吃潮州粉果問辣椒醬，答：冇嫁，自己去問樓面啦。整個場得2個樓面，態度惡劣，日期不會再來。

慶祝小朋友生日，訂了全包宴，酒樓給了一間房間，因為我們有幾個小朋友，一共有15人，酒樓方便立刻安排了加大枱給我們，非常抵讚！食物方面也不錯，肯定比那些連鎖例如X寶，X香好很多。更重要的是阿姐服務非常好，非常幫忙，今時今日有這種服務態度很難得，肯定會再幫襯！食物份量非常足夠，每個人都食得非常飽，也是一道一道上，除了保持足夠熱度，也不會好成枱都放唔晒，最後又幫忙切蛋糕分蛋糕，全包宴仲包咗足夠嘅汽水啤酒同埋一支紅酒，整體非常好嘅體驗！

🥢白灼海中蝦。呢道菜真係簡單又好味，最重要嘅係用新鮮嘅海中蝦。餐廳用咗最新鮮嘅蝦，煮法非常講究。將蝦放入滾水中，煮到橙紅色，時間掌握得剛剛好，唔會過熟。蝦肉一口咬落去，彈牙又鮮甜，真係令人驚喜。而且佢哋仲特別準備咗一碟蒜蓉豉油作為沾醬，蒜香四溢，配合蝦肉更加提升咗整體味道。每一口都好享受，令人忍唔住想再來多幾隻！如果你鍾意海鮮，一定唔可以錯過呢道菜。🥢接住就係冰鎮咕嚕肉。呢道菜通常都係大家聚會時必點，但我覺得佢嘅魅力絕對值得細味。首先，咕嚕肉外層炸得金黃酥脆，而內裡則保持住肉質嘅嫩滑。餐廳用咗優質豬肉，加上特製嘅酸甜醬汁，每一口都能感受到酸甜交織嘅滋味。最特別嘅係佢哋將咕嚕肉冰鎮過，令到口感更加清新爽口。雖然有時候可能會覺得肉質偏硬，但搭配上嗰啲酸甜醬汁，就算有少少硬，都唔會影響整體享受。而且，每一塊咕嚕肉都切得剛好，不會太大或太細，非常適合分享。🥢最後，我要強調下燒味拼盤。呢個拼盤包括燒肉、叉燒同油雞，每一樣都各具特色。首先講下燒肉，皮脆肉嫩，肥瘦相間，非常誘人。每一口都能感受到豬肉嘅香氣，而且搭配上特製的醬油，更加提升咗整體風味。再講講叉燒，佢哋用咗秘製醃料，加上炭火燒烤，使得叉燒

前幾日因為工作關係需要同同事跨區過海工作，咁工作完成之後，當然要食返餐好嘅輕鬆吓，本身就諗住過返九龍食，但奈何大家都係住新界區，所以都係諗諗吓去返港島區食完直接返屋企，就揀咗天后一間酒樓，今日邊個部長就推介咗一個古法羊腩煲，個味道幾特別，同出邊食開嗰啲大排檔好唔同，最緊要啲羊一啲騷味都冇，羊肉入口即溶，唔會太硬，真心推薦俾大家之後一人叫咗一隻大閘蟹，大閘蟹就是時令，月份適合食公，蟹膏都幾多，可以一戰之後唔少得就梗係叫咗一個牛仔粒，味道都唔錯，最主要都係佢配味配得幾好，食到我同我同事都舔舔脷，仲一人嗌咗兩個飯添，送飯一流。

上一次去御名軒已經係2022年新年既時候。當時約咗屋企人飲茶，但唔記得咗預先訂位，最後去左位於天后既御名軒。當時我哋淨係食點心，發覺食物水準唔錯，當時已經諗住搵日再試晚市，點知一等已經係兩年後😂餐廳裝潢依然簡潔明亮，今日仲要坐滿！- 蒜蓉粉絲大元貝餐廳海鮮都有好多款，今次叫咗呢款入門版海鮮菜式。元貝好新鮮，味道鮮甜彈牙，粉絲索晒元貝嘅鮮味，加上蒜蓉真係非常惹味👍🏻- 蒜蓉炒豆苗豆苖炒得剛剛好，口感清脆嫩綠，份量好多。- 古法羊腩煲天氣開始轉涼，依家食羊腩煲就啱啱好，食材嘅份量好有誠意。羊肉連皮帶骨，輕輕一撥就會骨肉分離，肉質非常軟稔，食落無咩羶味。仲有其他配料，包括馬蹄、枝竹同生菜。生菜月枝竹吸收晒羊腩煲嘅精華，非常惹味。羊腩煲當然唔少得腐乳醬，羊肉同腐乳簡直係天作之合🥰- 雞絲翅其實食完以上三款菜式已經好飽，但依家酒樓做緊超抵晚市優惠，加$1就可以食到一碗雞絲翅，啖啖都食到魚翅非常足料😋總結兩個字：抵食！

最近我去咗附近嘅工展會，玩完之後就想搵個地方食飯。朋友推薦去天后御名軒，真係好驚喜！入到酒樓，發覺都滿座，晚餐價錢真係好抵食，幾款優惠同時可以一齊用，勁抵食。最吸引我嘅係佢哋嘅特別優惠，$1就可以食到紅燒雞絲翅，性價比高到無得輸！呢道紅燒雞絲翅雖然平，但味道完全唔馬虎。雞肉滑嫩，湯汁濃郁，夠哂足料。禁凍既天氣當然要叫羊腩煲暖身，仲有生菜送。羊腩肉質超嫩，湯底味道濃厚，枝竹吸收晒羊腩煲嘅精華，好好味。生菜清脆，正好可以中和羊肉嘅油膩，食完真係好滿足，特別係冬天食。另外，鮑魚扣鵝掌晚市優惠只需$108，實在超值！鮑魚4大粒，大隻爽彈，鵝掌好入味，食落嫩滑，骨肉勁易分離。醬汁調得剛好，令整道菜更加豐富。我哋仲叫咗金銀蛋菠菜，色彩好靚，咸蛋同皮蛋嘅搭配增添咗風味，菠菜新鮮，令菜式更加健康。呢道菜不止好睇，味道都唔錯。

香港的12月正式踏入秋冬,溫度好適合品嚐一些保暖的中菜菜式,例如是羊腩煲和生炒糯米飯,剛好在天后附近工作完畢,就走上一間中菜館吃晚餐,試試這兩種菜式。 古法羊腩煲叫了冬天進補的首選羊腩煲！羊肉可以補中益氣、開胃健身，手腳冰冷人士尤其適合，冬天食完就會好暖身!枝竹,黑草羊腩,冬菇,馬蹄,冬筍,生菜,約2人份量,加入腐乳醬,南乳醬和柱候醬,吃得津津樂道! 紅燒雞絲翅 (每位１元)晚市限時優惠，每位一碗,性價比無敵，雞肉香和魚翅鮮甜融入口中，每桌都會見到的優惠美食 生炒糯米飯此店另一名菜,價錢148元相當實惠,以臘味、冬菇及糯米等材料炒製而成~糯米有暖胃作用，所以生炒糯米飯在秋冬季節非常常見~臘味粒好有味,而且幾乎是3-4人份量。 小炒王小炒王必備材料包括韮菜、蝦乾、豆腐及魷魚等，廚師使用爆香的豬油來炒餸，整碟小炒王會更加香口~份量比平時的餐廳多1.5倍,碟底的油份極少,可見廚房功架~ 楊枝金露楊枝甘露是基本上在香港是必吃的甜品。鮮甜可口的芒果肉，加入柚子肉在香滑的椰汁中，冰涼好吃~ 

天后地鐵站一出，原來有間酒樓，夜晚食飯好抵食。平日都人頭湧湧。最吸引一定係$1嗰碗紅燒花膠雞絲翅！咁抵點都每人叫返一碗。個湯底夠濃郁，花膠軟綿綿，雞絲幼嫩，翅都唔少。蒜茸粉絲蒸大元貝好吸引！$138有4隻，大元貝新鮮肥美，個size都唔細，蒜茸好香。粉絲入味。陳皮蒸大連鮑魚半打$188，啲鮑魚夠晒彈牙，陳皮香突出。古法羊腩煲$248就係今晚嘅重頭戲，啲羊腩完全冇羶味，肉質軟腍入味。個煲底香濃惹味，配埋啲唐生菜爽口清甜。

天氣開始凍又係食羊腩煲既時候，呢間酒樓除左羊腩煲，其他小菜都好出色，而家仲有$1碗雞絲翅，好抵食🦆京式片皮鴨鴨皮烤得酥脆，鴨肉肥而不膩，肉質細嫩，用荷葉餅包住再配上甜麵醬、蔥絲同青瓜條，層次豐富🦪豉椒蟶子皇蟶子肥美飽滿，肉質鮮甜彈牙。配上香濃既豉椒汁，鹹香惹味🐏羊腩煲羊腩煲湯汁濃稠，香氣撲鼻。羊腩肉燉得軟爛入味，肥而不膩，配上吸滿哂湯汁既冬菇、冬筍、馬蹄同竹枝。爽脆既唐生菜，中和左羊肉的羶味，口感更豐富。🥣紅燒雞絲翅雞絲細嫩，湯頭濃郁鮮美，而家晚市特價$1碗，好抵食🍛生炒糯米飯糯米飯炒得粒粒分明，每一啖都充滿臘味既香味，鹹香可口。