公車泰國餐廳

營業中

休息中

今日到元朗等朋友放工，佢推介呢間好食既泰國菜館。門口已經有好多泰式嘅擺設，就好似去咗泰國咁，餐廳嘅裝修以綠色車架坐椅為主。呢度串燒（豬、和牛、雞）燒得好惹味，入口嫩滑，配上它的沙爹醬汁，味道香濃惹味，層次豐富。至於和牛串好有新意，伴上特色醬汁，啱曬我口味。炸蝦餅炸出黎熱辣辣，肉質豐厚又彈牙確實唔錯。泰式炒金邊粉材料有鮮蝦，炒蛋，雞肉等等。金邊粉呈好看的橙紅色，好夠鑊氣，一上枱熱辣辣香噴噴， 滴幾滴青檸汁，更為清新惹味。每口酸酸甜甜。泰式香茅豬扒湯河湯底就比較清淡有少許葱花。碎上香茅豬扒都幾多件，外皮脆有咬口。令整個賣相吸引。