阿叔泰麵 (積信街) (已結業)

因為工作不順，今日約咗家姐去車公廟拜下神。拜神前，梗係要食吓嘢先啦。因為好少嚟沙田，所以就搵啲特別嘅嘢嚟食吓。網上介紹車公廟附近有泰國船麵，咁就試吓啦喺大圍站行過嚟，大約10分鐘，如果識路行應該可以仲快啲。不知不覺行到呢一個轉角位，就見到呢間幾特別嘅裝修，招牌係英文字望一望原來就係呢間阿叔泰麵我哋叫咗一個阿叔拼盤，兩人份量，除咗鳳爪之外，每樣兩件，炸蝦餅好彈牙，雞翼亦都好重香茅味，好味之後叫咗一個泰式椰子雞湯面，我哋嗌咗蛋麵，蛋面其實有啲似粗麵，個湯好濃郁，好有椰汁味，本來有啲擔心會淡，原來係唔需要擔心嘅，而且雞肉都滑。另外，叫咗個蛋炒咖喱蟹肉飯，本來以為係一個炒飯，點知嚟到係一碗咖喱蛋，再加少少蟹肉，有啲失望飲品方面，嗌咗一杯，香茅斑斕特飲，口味幾清新，一陣香茅同埋斑斕味而玫瑰荔枝特飲，比較甜，個人認為班蘭特飲好飲