新華茶餐廳

營業中

休息中

新華茶餐廳無論係外貌，又或者係由骨子裡，都充滿住80年代港產片場景既氣息。坐左係卡位忍唔住開始入戲：「你要既資料係度。」哈哈哈哈！咁啱我入去既時候係下午茶時間，睇好多食評又話 佢既沙嗲牛肉好出名，咁我就叫左下午茶餐既沙嗲牛肉包配紅豆冰😍😍。係哩個氣氛配上一杯紅豆冰，時光倒流一樣。沙嗲牛肉包真係好驚喜，牛肉好林好易咬開，但又唔會碎到周圍跌黎跌去，入口軟林林既面包，配上牛油香再加濃濃花生香味既沙嗲汁，濃而不膩😋，好味又驚喜。紅豆冰就稍為偏甜，加上要用匙羹先可以食紅豆，但紅豆冰應有既沙感同奶香都不錯👍🏻。