影片
更多
2025-04-01
308 瀏覽
今日朋友帶我去咗尖沙咀呢間Gaylord印度餐廳食Lunch，餐廳自1972年就開業，裝修非常別緻，座位好舒適。我哋叫咗個二人套餐，咩都唔使煩，嘢食已經preset咗，可以試下d平時自己未必會叫嘅正宗印度嘢，但由頭食到尾都算啱口味。前菜小食一開波就上咗個印度街頭小食Pani Poori，個樣好似迷你脆波波咁，入面塞滿咗酸酸地嘅薯仔同豆蓉，最正係要倒入薄荷mocktail一啖食，個口感又脆又爆汁，好過癮！頭盤三款Malabar蟹肉Taco：用軟身roti包住喀拉拉風味蟹肉，香料好香又唔會搶咗蟹嘅鮮味，而且真係啖啖蟹肉，好食！ Chicken Tikka：雞肉醃得入味， yogurt同香料平衡得宜。 Lamb Galouti Kabab： 免治羊肉餅，啲香料好有層次，個底仲有薄薄一層naan。我本身唔係幾食羊肉，但係呢個羊肉餅因為都有幾多香料醃成，所以食落冇乜羊騷味。之後就到主菜Kadai Prawns：大蝦超大粒爽彈，加埋三色椒、洋蔥同番茄炒埋一齊，辣辣地好惹味！ Truffle Butter Chicken：呢個必試，店員話係呢度signature之一！黑松露牛油醬汁濃郁，雞肉嫩
前菜小食
一開波就上咗個印度街頭小食Pani Poori，個樣好似迷你脆波波咁，入面塞滿咗酸酸地嘅薯仔同豆蓉，最正係要倒入薄荷mocktail一啖食，個口感又脆又爆汁，好過癮！
頭盤三款
Malabar蟹肉Taco：用軟身roti包住喀拉拉風味蟹肉，香料好香又唔會搶咗蟹嘅鮮味，而且真係啖啖蟹肉，好食！
Chicken Tikka：雞肉醃得入味， yogurt同香料平衡得宜。
Lamb Galouti Kabab： 免治羊肉餅，啲香料好有層次，個底仲有薄薄一層naan。我本身唔係幾食羊肉，但係呢個羊肉餅因為都有幾多香料醃成，所以食落冇乜羊騷味。
之後就到主菜
Kadai Prawns：大蝦超大粒爽彈，加埋三色椒、洋蔥同番茄炒埋一齊，辣辣地好惹味！
Truffle Butter Chicken：呢個必試，店員話係呢度signature之一！黑松露牛油醬汁濃郁，雞肉嫩滑，撈飯或者點naan食都一流！
Dal Makhani：慢煮黑豆同紅腰豆，香料味好溫和，我就最主要用佢黎配Garlic Naan。
另外個餐會跟埋Garlic Naan同印尼飯。前者鬆軟得嚟有咬口，點咩汁都正；後者淡淡印度香料味，粒粒分明，口感同平時食開嘅泰國米或者珍珠米好唔同。
最後仲有甜品Gajar Halwa同Kesar Kulfi。我哋都係第一次食呢啲傳統印度甜品。
最後飲埋杯Masala Tea，好夠熱，暖粒粒好舒服。
雖然呢個餐$448一位加一唔算平，但食物質素、份量、服務同埋用餐體驗都唔錯。P.S. 佢哋仲有drink menu，我叫左杯Virgin Mojito Mocktail，簡單用梳打水、青檸汁、薄荷葉同糖水調成，好fresh，唔飲酒嘅可以試～
**返兜指數**：★★★★☆（4.5/5）
張貼
