劉興記生煎包專門店

營業中

休息中

荃灣路過呢間有發哥合照嘅生煎包舖，一於試試佢。試佐佢地招牌蟹黃生煎包（18/隻）、原味生煎包（20/2隻）、原味小籠包（40/4隻），三款湯汁都好多，新鮮出爐，入邊湯好熱，入口要小心！蟹黃蟹肉好足料！我地想試多啲嘢，所以每一樣都淨係點人頭一件至兩件。秘製上海炸排骨，好過食出面嘅頹肉豬扒好多啊！裡面啲排骨完全唔會柴。手工豆沙窩餅，我係睇在「手工」兩個字點來試嘎，豆沙俾得好多，值回票價。鮮雞湯小雲吞12粒，係真係迷你小雲吞，女仔食份量啱啱好。店舖姐姐同我講雞湯係真係原隻雞煲出來嘅湯，唔係味精湯啊，一試果然係好鮮味。麻醬手撕雞絲冷麵，朋友話麻醬濃郁，夏天涼拌冷麵好入口。我地今次兩個人來就可以點佐好多小食，基本個樣都試佐下，樣樣都幾好👍如果一個人來食就直接一個套餐夠飽，五十幾蚊幾抵食。