影片
更多
2018-01-08
1483 瀏覽
與同事外出食lunch，如果唔係食茶餐廳，就最常去Na Thai，一來環境舒適，食物質素高，價錢又合理，一個set lunch先係$68（另加一），凍飲唔需要加錢。如果想食豪d，佢都有businesses lunch，豐儉由人。我地通常都係食express lunch，已經好夠飽。我最常點泰式雞肉金邊粉，炒得乾身，有雞柳、蛋、芽菜、韭菜、豆乾同花生碎，非常惹味。不過今日天氣凍，想食辣野暖身，所以點左青咖哩雞飯，雞肉比平時食開嘅切得細塊，可能係因為咁所以較入味。青咖哩香濃惹味，帶點微辣，入面除左雞肉之外，仲有荷蘭豆、泰國茄子、金不換同蕃茄，材料豐富。仲有兩個同事點左冬蔭蝦湯金邊粉，用料豐富，湯頭惹味。如果怕辣，可以在落單時叫佢少辣。第一碗為正常辣度，第二碗屬於少辣。另外仲有泰式辣豬肉乾炒河、泰式蝦醬炒飯同泰式豬肉濕炒河。蝦醬炒飯嘅香味香到我坐喺隔離都嗅到，好香。特別一提，店員只識講英文，落單時要講英文啊！
我地通常都係食express lunch，已經好夠飽。我最常點泰式雞肉金邊粉，炒得乾身，有雞柳、蛋、芽菜、韭菜、豆乾同花生碎，非常惹味。不過今日天氣凍，想食辣野暖身，所以點左青咖哩雞飯，雞肉比平時食開嘅切得細塊，可能係因為咁所以較入味。青咖哩香濃惹味，帶點微辣，入面除左雞肉之外，仲有荷蘭豆、泰國茄子、金不換同蕃茄，材料豐富。
仲有兩個同事點左冬蔭蝦湯金邊粉，用料豐富，湯頭惹味。如果怕辣，可以在落單時叫佢少辣。第一碗為正常辣度，第二碗屬於少辣。
另外仲有泰式辣豬肉乾炒河、泰式蝦醬炒飯同泰式豬肉濕炒河。蝦醬炒飯嘅香味香到我坐喺隔離都嗅到，好香。
特別一提，店員只識講英文，落單時要講英文啊！
張貼
