上海婆婆 (東港城)

營業中

休息中

最近去咗坑口依間「上海婆婆」同屋企人食晚飯，Order咗唔同主菜、小菜、小食，成餐飯好豐富。*此餐廳收取加一服務費。婆婆粒粒炒飯（單點$82），蝦仁口感彈牙，味道鮮甜，臘腸份量多，炒飯口感粒粒分明，表面裹滿豉油，食落好香口，內有雞蛋、香蔥。川辣肉末炒薯粉（單點$82），紐紋薯粉口感煙韌，食落好掛汁，味道麻辣帶酸，內有冬菇、肉末、椰菜。黃金四季豆（單點$78），表面裹滿鹹蛋黃蓉，口感流沙，四季豆口感爽嫩、不會過於軟腍或過生硬、而且食落沒有渣滓感，味道鹹香、沒有草青味。蠔油炆小竹筍（單點$52），表面鋪有芝麻，口感爽脆，味道甜鹹。京蔥牛肉包（單點$48），麵包底、面均煎得金黃，略嫌口感食落不太香脆，牛肉肉味濃厚、帶點京蔥香味，略嫌食落肉汁未夠，若然京蔥能夠多一點，味道更能昇華。淮揚酸辣湯（單點$48），好足料，內有豬肉絲、冬菇、木耳、竹筍、豆腐、雞蛋，口感濃稠，味道酸辣。茗茶（兩位$12），茶味清香。