陳儀興玫瑰餐廳

營業中

休息中

陳儀興玫瑰餐廳之前都有幫襯過，佢哋嘅火鍋質素唔錯，知道近排佢推出咗海鮮濃湯黃金甲鍋 😍 所以梗係要去幫襯吓。湯底價錢非常親民，每款都唔使一百蚊，餐廳除咗有得火鍋之外，仲有小菜同小食提供，所以叫咗個小食試試。蜆芥鯪魚球 ($72) : 鯪魚球大粒，中間個醬整得幾正，鯪魚球口感酥脆而不油膩，做小食真係一流。海鮮濃湯黃金甲鍋 ($348) : 湯底超足料，有芫荽、洋蔥、南瓜、蜆同超大隻嘅肉蟹，湯底超級鮮甜，肉蟹非常大隻，而且啖啖肉。另外仲叫咗枝餐廳自家出品嘅足料圓肉紅棗薏米水。