慧食貓

營業中

休息中

那天差不多下午茶時間到葵芳, 新都會商場內間間食肆都要排隊等位, 所以桃桃都係決定去掃街｡ 朋友話想食手抓餅, 桃桃之前喺葵廣食過間好好食嘅手抓餅,但係又唔記得名又唔記得位置｡ 好彩谷歌大神幫到我, 只係打左“葵廣手抓餅”, 就彈出“慧食貓”呢間鋪頭嘅位置｡ 跟住店舖號碼走, 終於見到熟悉的店面｡ 店外雖然沒有排隊的人龍但有好一些人圍住等, 原來老闆娘叫人先落單, 不用俾錢, 20分鐘後回去才俾錢取餅｡ 桃桃行咗個圈, 依照時間返去, 果然已經拎得｡ 桃桃跟朋友都一樣是叫咗set b (肉鬆火腿蛋), 到拎嘅時候先知原來仲有蕃茄同菜, d 料多到爆出嚟｡外層嘅手抓餅香脆可口, 入面嘅蛋仲係半生熟會流汁的, 真係好好食｡ 最重要嘅係只售24蚊, 怪唔得佢生意咁好｡