冠華冰廳·阿爺燒鵝

營業中

休息中

開張唔夠一年，已經食過好幾次，啱啱開張嗰陣時最好食，啲燒鵝睇落黑蚊蚊，賣相唔多討好，但好有驚喜，好香煙熏味。叉燒厚切燶邊半肥瘦好正，當時絕對係好評。叫個燒味飯，師傅都幾大方，燒味份量都幾多。點知越食越差，一次差過一次，燒鵝已經冇咗之前嘅煙熏味，重要得層皮，無么肉，份量好少。叉燒仲差，切到好薄，最憎食薄叉燒，薄叉燒印象中只會喺早餐叉燒湯意粉中出現，而佢碟飯正正是呢種叉燒，好瘦好柴皮。唔知係咪換咗斬料師傅，燒味的份量也越來越少，唔想再幫襯了。