第一郡

營業中

休息中

第一郡依間越南餐廳相信唔少人都食過，舊鋪位於深水埗，雖然鋪位細細但一向都吸引到唔少人去食，可想而知唔簡單。見到第一郡搬左去油麻地之後，餐廳環境舒服不少，我都即刻去試試。蟹膏蕃茄湯檬招牌就一定係依個湯檬啦，除左大大舊嘅精華蟹糕餅，有扎肉豬紅蕃茄芽菜生菜，好多餸好滿足，湯底酸酸地，開胃得黎唔會好heavy。米紙蝦卷外層有塊葉包住米紙卷，米紙卷就包住蝦同菜，食落幾清爽，另外就揀左配自家醬，有啲花生碎係醬到，食落幾香。越式法包法包好香脆唔硬，腩肉扎肉肉鬆肝醬加埋全部都好夾，再加埋酸菜青瓜芫荽一齊就好清爽。牛油果沙冰芒果沙冰飲落好Smooth，唔會咬到啲碎冰，放耐左都唔會變水，都幾creamy。牛油果同芒果味道都足，唔會好淡。推薦芒果糯米卷芒果好甜好大舊，外皮薄薄一層，唔會太厚，仲有啲椰絲，食落幾香。