1986地道越南餐廳 (已結業)

今日經開深水埗,行到咁上下有D肚餓,邊行邊搵嘢食,又想食碗湯粉,見到越南小店就入去食入到小店,地方唔大,但係四四正正同埋乾淨就已經好夠,佢嘅下午茶都低食,但我突然想食好耐都無食過嘅越南名菜生牛肉湯河🤣再加多個春卷同埋越式蝦米紙卷,飲品就叫咗杯越式椰汁咖啡生牛肉湯河味道正宗,唔知係唔係太耐無食,覺得好正😍米紙卷食落好清新,重點係要加個越式醬汁,咬落煙煙韌韌春卷外面夠曬脆口同熱辣辣,用生菜包埋我最愛嘅芫荽,寧舍正重點我係最想飲嘅越式椰汁咖啡真係唔係講笑,椰汁沙冰底加埋越式咖啡,一D都唔甜,又夠凍啱曬我,下次會再嚟試其他嘢,因為真心夠正宗同性價比高