Le Viet

營業中

休息中

有次同朋友去the one睇戲，佢話呢度嘅泰國野同隔離嘅越南野都幾好味，當日我地最終食左泰國菜。今日lunch time黎到the one，亦終於試下朋友口中呢間好味越南菜 - Le Viet。簡簡單單，點左一客大蝦菠蘿飯($78 set lunch; 單點$88)，加多一個小食 - 牛油雞翼($68)。飲品方面當然唔少得正宗越南滴漏咖啡(單點$34)。牛油雞翼絕對係驚喜之作。首先五隻雞翼都十分之肥美，肉質嫩滑。外皮炸得剛剛好，牛油味香濃，帶有點點蒜蓉味，卻又唔會蓋過主角之一嘅牛油味。朋友表示油膩左少少，可能係我個人太中意食雞翼，但呢個真係誠心推介。之後上枱嘅係大蝦菠蘿炒飯，三隻大蝦眼仔碌碌咁望住我地。呢度同泰國菜中嘅菠蘿炒飯用料有少少唔同(?)，主要係三色豆同紅腸。紅腸有點搶味，炒飯都係配肉鬆先最夾。越南咖啡之所以有如此特別嘅飲法，其實係因為佢地嘅咖啡豆沖出黎嘅咖啡比一般苦澀，要加煉奶中和佢嘅苦同埋酸味。滴濾速度要精準，味道先會夠濃郁但又不至於苦澀。欣賞咖啡由咖啡壺徐徐滴下，確實係一種享受。