台蔡滷肉飯

營業中

休息中

晏晝去排隊，條隊有四五家人等緊，睇住入邊有幾張枱都食完出咗嚟起碼10分鐘以上，都冇叫過人入去，其他人都忍唔住行入去問佢入得未，接待嘅前線員好似如夢初醒咁，一入到去有四張吉枱，外邊又曬又熱，唔明點解唔俾人入去坐住先。嘢食方面，湯麵冇咗牛肉麵，得返藥膳湯同埋油雞，呢2款都唔係特別好味，又唔係特別難食，嘢飲方面加$15就正常水準。蛋餅個皮係脆脆嘅，但個餡都係一般。可能對呢間餐廳期望比較高，之前食過亦覺得OK好味，但食過今次之後，覺得荃灣其實仲有好多台灣菜選擇，亦都唔會再幫襯。餐廳嘅食物當然重要，但氣氛亦都好緊要，入面所有員工冇一個有笑容，啲侍應好似烚吓烚吓咁，如果你哋下次去食，可以感受吓。