台蔡滷肉飯

第一次食台蔡滷肉飯，平日12:15分🕚到唔洗排隊有位。今日唔太想食煎炸野，所以order涼拌蒜泥豬頸肉餐，再加碟秘製涼拌木耳，兩碟都係涼拌感覺fresh啲豬頸肉有麻油香，點個辣醬🌶️麻得黎又唔會太辣好嗆口果種，overall幾清爽。滷肉飯都幾好食，個肉汁幾香口。酸菜balance得好好，一個人一個set都算飽。最驚喜係個秘製涼拌木耳✔️✔️，個金黃色食落係甜甜小小辣好爽口開胃，好奇問下店員究竟係點整。店員話個醬係用蘿蔔、蒜頭、蘋果落去攪。呢個dish真係有心思，新界比較唔會expect食到呢個菜式。👍🏻👍🏻呢間台灣菜由盤碟、食物質素都真係幾驚喜，估唔到荃灣都食到港島質素嘅餐廳✨…查看更多

入秋轉涼🧣❄️食台蔡就要試下【花雕麻油雞湯+滷肉飯+熱黑芝麻奶茶】呢個組合✅好多人食台蔡都係為咗鹽酥雞，但我個人就真係覺得麻油雞湯🐔🍲先係台蔡名物。麻油雞湯底香得嚟唔燥，薑味突出但唔辣喉，雞肉滑嫩入味，飲一啖就覺得全身都暖。搭配招牌滷肉飯一齊食更滿足，滷汁黏口又香濃，每啖都係幸福感💕💕。跟餐加一杯熱黑芝麻奶茶，芝麻香得嚟唔甜膩，飲落口順。呢個「冬日三寶」食完真心滿足。有次我試過夜晚8點黎食，麻油雞湯已經賣曬，莫非好多人用我係同好🥹🥹…查看更多

路德圍好似半年就會轉一次手咁，好多舖開幾個月未有機會試下就執咗🤣唯一奇觀係台蔡滷肉飯長期排隊🙀，今次晚市排咗25分鐘終於食到我叫咗佢哋嘅招牌滷肉飯，選配溏心蛋。飯上枱嗰陣都幾美觀，肥瘦交錯嘅豬腩肉切得唔厚亦唔太薄，飯粒吸晒汁，撈起隻溏心蛋食都幾新式，酸菜鋪咗一小撮，微酸帶甜，令整碗飯平衡唔膩。個人覺得碗滷肉飯喺台灣都算好食，後來見到個牌先知係台灣廚師開，果然係台灣人先做到陣味，唔係周圍都食到咁好味嘅滷肉飯🤔。之後我order咗肉鬆起司蛋餅🌮🧀因為網上見到好多人話唔錯，蛋餅蛋皮煎得金黃，邊位酥脆，入面嘅cheese會拉絲，肉鬆份量唔少，蛋餅切開唔係濕濕爛爛，而係脆口，呢個蛋餅份量足有水準。Overall算係一間好味嘅台灣餐廳，排隊時間雖然要等，但翻枱快，店員效率唔錯，排隊25分鐘都接受到。…查看更多

第一次食台蔡滷肉飯係2022年，嗰陣啱啱新開，仲記得要排半個鐘先入到去。3年後再返去食，台蔡已經入選過「米芝蓮」推薦，我本來都擔心味道keep唔keep到，2025年水準都keep到我就放心喇🫶🏻滷肉飯仍然夠香，肥瘦比完美，飯底吸晒滷汁，粒粒分明。酸菜微甜帶酸，好有台灣🇹🇼feel。招牌鹽酥雞炸得乾爽、外脆內嫩，啖啖肉、唔油膩。食到最後仲有熱氣，證明係即炸。店入面冇花巧裝修，但氣氛親切，聽到台灣腔店員講「謝謝」，就覺得有人情味。睇住台蔡創業初期故事都幾感人，2025年仲保持咁穩定，真係難得。希望時勢艱難小店可以長做長有💪🏻💪🏻💪🏻…查看更多

食左台蔡3年都未見有下午茶🤣😂資深食家話比大家知，識食就一定要揀蛋餅！第一好食，第二抵食！芝士蛋餅先38蚊，加杯珍珠奶茶🧋15蚊，Total 51蚊，真係夠飽肚！台蔡蛋餅係我心水，因為餅皮係蔥油餅，熱辣辣上枱，外皮煎到酥脆，內層芝士會拉絲，又有蛋香，份量足～加返杯烏龍珍珠奶茶，有一種台灣早餐店+手搖店2合一既感覺💯呢個係我下午茶輕食之選，抵食好食，因為台蔡蛋餅真係出面Cafe一杯咖啡☕️嘅價錢但可以飽肚wor！16:00呢段時間最少人，所以夠chill💁🏻‍♀️…查看更多