影片
更多
2025-03-06
1243 瀏覽
最近見到綠茶餐廳喺香港越開越多分店，上次去奧海城行街，見到佢哋今個月又開咗第4間綠茶，所以今次去到觀塘APM見到佢，又忍唔住衝入嚟食多次！❤️1. 九曲紅梅（位）$12 一開始就送上，俾你飲住茶慢慢等食，呢個茶帶有淡淡嘅**花香味**，入口順滑，感覺清新。2. 龍井烤雞 $138 大概好似燒春雞嘅size，份量都幾多，佢哋會上咗菜俾你影張相先，然後再幫你切開一嚿嚿～隻雞個皮都脆嘅，而且有烤嘅香味，雞肉都算嫩滑，唔夠味可以自己點辣粉。3. 麵餅醬香五花肉 $108.0同上次食有啲唔同，今次轉咗皮？唔肯定～個皮偏厚過上次，不過都OK～五花肉烤得幾香脆，入邊啲醬汁同油仲會唧出嚟。4. 西湖雷峰塔(冷) (位) $28.0 好精緻嘅雷鋒塔～打卡一流！入面係山藥同牛奶做，唔算太甜，個人覺得都幾好食，有啲似布甸。5. 江南茄子煲 $78.0上到嚟仲啫啫聲，感覺都幾有鑊氣～茄子配搭肉碎，鹹鹹辣辣惹味。6. 白飯 $10 正常😆總括嚟講，綠茶餐廳嘅食物質素都可以，價錢都算合理，都幾多人食～喺觀塘APM行街，如果想搵個地方坐低食個飯，都可以考慮下😂
最近見到綠茶餐廳喺香港越開越多分店，上次去奧海城行街，見到佢哋今個月又開咗第4間綠茶，所以今次去到觀塘APM見到佢，又忍唔住衝入嚟食多次！❤️
1. 九曲紅梅（位）$12
一開始就送上，俾你飲住茶慢慢等食，呢個茶帶有淡淡嘅**花香味**，入口順滑，感覺清新。
2. 龍井烤雞 $138
大概好似燒春雞嘅size，份量都幾多，佢哋會上咗菜俾你影張相先，然後再幫你切開一嚿嚿～隻雞個皮都脆嘅，而且有烤嘅香味，雞肉都算嫩滑，唔夠味可以自己點辣粉。
3. 麵餅醬香五花肉 $108.0
同上次食有啲唔同，今次轉咗皮？唔肯定～個皮偏厚過上次，不過都OK～五花肉烤得幾香脆，入邊啲醬汁同油仲會唧出嚟。
4. 西湖雷峰塔(冷) (位) $28.0
好精緻嘅雷鋒塔～打卡一流！入面係山藥同牛奶做，唔算太甜，個人覺得都幾好食，有啲似布甸。
5. 江南茄子煲 $78.0
上到嚟仲啫啫聲，感覺都幾有鑊氣～茄子配搭肉碎，鹹鹹辣辣惹味。
6. 白飯 $10 正常😆
總括嚟講，綠茶餐廳嘅食物質素都可以，價錢都算合理，都幾多人食～喺觀塘APM行街，如果想搵個地方坐低食個飯，都可以考慮下😂
張貼
