瀛鍋

營業中

休息中

九龍城廣場對面有一間主打中式同日式嘅火鍋專門店，非常高檔。先來一個豪華刺身拼盆﹕匯集海花金古、冰鎮鮑魚、加拿大象拔蚌、北寄貝同三文魚，賣相勁吸引，滿滿奢華感。海花金古新鮮撈起即切，上碟時魚肉仲跳動緊，可見新鮮程度。冰鎮鮑魚鮮味緊實且有彈性，無需過多調味，自帶鮮美！整個刺身拼盆食得出的新鮮，滿滿海洋風味濃縮於一盆，超高質素。椒鹽三文魚骨腩﹕金黃酥脆，肉質鮮嫩多汁，椒鹽調味帶出鹹香與微微嘅辛辣，味道恰到好處。鮮味卜卜蜆鍋﹕隻隻蜆都大大隻，肉質飽滿，非常新鮮。湯底清甜，啖啖海鮮甜味，係一個相當百搭嘅火鍋湯底。湯窩本身加左粉絲，粉絲索晒湯汁，非常香甜。手切鴛鴦牛﹕油花勁靚，兩款牛肉都相當高質，只需要輕輕涮幾秒就可食用。肉質非常鮮嫩，湯底清爽，可以突顯牛肉天然香氣。脆鯇魚片﹕脆鯇真係非常爽脆鮮嫩，無魚腥味，吸引左湯底嘅精華，更加香甜清爽。稻庭烏冬﹕最後煮個烏冬，吸收晒所有海鮮嘅精華，味道香甜。本身烏冬又夠腍滑，伴湯食十分正斗。洛神花大大杯﹕三十幾蚊咁大杯，非常解渴，味道酸酸甜甜，爽!餐廳大堂中間有一個兒童玩樂區，小朋友玩得開心，大人食得放心，輕輕鬆鬆享受一個晚上。