影片
更多
2025-02-23
255 瀏覽
新年當然要食番餐好嘅, 今晚嚟到呢間由藤澤昌隆主廚（Masa-san）精心策劃嘅MASA Satori Charcoal Dining, 餐廳設於酒店之內, 擁有高級格調, 適合請客、慶祝同應酬! Masa San曾經係某大飲食集團嘅傳奇壽司師傅, 今次車車同朋友都係慕名而來餐廳提供獨特嘅碳烤美食體驗, 而車車今次就試左佢地嘅tasting menu, 入面包括左刺身同熟食, 每道菜配搭新穎別緻, 相當有驚喜, 飲品方面除左清酒，燒酎, 仲主打多款特色啤酒! 每道菜上枱時, 店員都會將其概念同食材詳細話比客人知, 呢樣野係車車好中意嘅一環, 可以了解一下自己食緊嘅野同背後嘅創作故事會令客人更投入係成餐飯到前菜APPETIZERS前菜有三款, 每款都好似一件小小嘅藝術品咁⭐雞胸配WASABI淡淡嘅雞胸味配超甜蕃茄, 口感軟嫩⭐牛脷配MUSTARD 牛味極之濃郁, 入口juicy, 配搭芥苿令層次感昇華⭐煙三文魚煙三文魚咸香味道, 令食慾大開刺身4点SASHIMI每款刺身都相當新鮮, 每件都配上唔同嘅醬汁或配料一同食用, 分別有鰤魚、馬鮫魚、中拖羅、鯛魚配海膽汁, 最正嘅係全部醬汁都唔會喧
餐廳提供獨特嘅碳烤美食體驗, 而車車今次就試左佢地嘅tasting menu, 入面包括左刺身同熟食, 每道菜配搭新穎別緻, 相當有驚喜, 飲品方面除左清酒，燒酎, 仲主打多款特色啤酒! 每道菜上枱時, 店員都會將其概念同食材詳細話比客人知, 呢樣野係車車好中意嘅一環, 可以了解一下自己食緊嘅野同背後嘅創作故事會令客人更投入係成餐飯到
前菜APPETIZERS
前菜有三款, 每款都好似一件小小嘅藝術品咁
⭐雞胸配WASABI
淡淡嘅雞胸味配超甜蕃茄, 口感軟嫩
⭐牛脷配MUSTARD
牛味極之濃郁, 入口juicy, 配搭芥苿令層次感昇華
⭐煙三文魚
煙三文魚咸香味道, 令食慾大開
刺身4点SASHIMI
每款刺身都相當新鮮, 每件都配上唔同嘅醬汁或配料一同食用, 分別有鰤魚、馬鮫魚、中拖羅、鯛魚配海膽汁, 最正嘅係全部醬汁都唔會喧賓奪主, 反而令食材提昇鮮味同層次感
真丈湯SHINJO SOUP
⭐呢款由蝦丸同清湯製作嘅真丈湯, 熱辣辣暖笠笠, 蝦丸由餐廳自家製作, 味道同口感同平時一般食到嘅唔同, 口感軟身, 入面帶有一粒粒嘅蝦肉, 湯汁入面有唔同嘅蔬菜, 味道清清地帶蔬菜嘅鮮甜
燒物2点（雞，鴨，羊）
GRILLED DISHES （CHICKEN MEATMALL，DUCK BREAST ，LAMB LOIN）
⭐燒物方面, 我地揀左鴨同羊, 鴨肉香甜唔油膩, 羊肉一點氈味都無, 相當有驚喜, 而最令車車難忘嘅係另一件雞肉丸, 入口熱辣辣, 軟軟的, 入口半溶juicy, 雞味濃郁, 係口腔迴盪
⭐南瓜沙律配炸薯仔絲
沙律清新爽脆, 上面放有金黃香脆嘅炸薯仔絲, 一絲絲好似頭髮咁幼, 但香脆無比, 睇得又食得
SIMMERED DISHES（FISH OR STEWED PORK）
兩款唔同風格嘅菜式, 薯蓉角煮有種居酒屋嘅風格, 豬肉層肥層瘦, 軟腍香甜, 入口即溶, 相當入味, 配上薯蓉令人滿足, 另一款銀鱈魚口味較清淡, 感覺好有一種身處係日本庭園嘅感覺, 魚肉配搭清新嘅柚子同蘿蔔, 食起嚟好清新淡雅, 兩款之中車車比較喜歡後者
⭐漬物
漬物都有驚喜, 平時食嘅漬物只係漬左嘅蔬菜, 呢到嘅漬物加左一點小心思令整個味道更佳, 就係係漬物上加入鰹魚粉, 唔好睇少小小嘅鰹魚粉, 令漬物帶有魚嘅鮮味, 食落去更有層次感
⭐朴葉和牛味噌燒WAGYU SIRLOIN MISOYAKI ON MAGNOLIA LEAF
用左朴葉味噌製作嘅一道鄉土料理, 第一次食呢款味噌, 味道甜甜地帶有葉子香氣, 配上油脂豐富嘅和牛, 味噌中和左和牛嘅膩感, 而且將牛肉嘅鮮味突出
⭐KAMAMESHI/MIXED RICE POT（POT/ SEAFOOD）
釜飯一飯兩食, 先食原味再可配搭熱湯同食, 飯粒飽滿煙韌, 原味食落較鮮, 而加入鰹魚高湯同天婦羅脆脆後嘅茶漬飯, 口感豐富帶點魚香味而且好暖胃
⭐鰹魚昆布湯
湯汁入面有好多昆布, 飲落口感好豐富, 鰹魚嘅味道會係口腔中停留
DESSERT
⭐抹茶味白玉丸子/紅豆蓉/豆腐雪糕/士多啤梨漬
抹茶味白玉丸子煙韌可口, 抹茶配上紅豆呢個組合一定唔會有錯, 反而第一次試豆腐雪糕配士多啤梨漬有d驚喜, 酸酸甜甜嘅士多啤梨果肉同豆腐估唔到幾夾, 為晚餐劃上完美嘅句號
張貼
