影片
更多
2023-09-05
98 瀏覽
肉屋既sukiyaki套餐應該好多人都訂過，依加開埋實體店啦，新開張仲有88折真係好抵，即刻book咗去食😋。特選•蕯摩牛壽喜燒 ($398)特上•蕯摩牛壽喜燒 ($498)兩款既分別在於特選係赤身A5蕯摩牛切片而特上係霜降A5蕯摩牛切片🥩。其實兩款牛啲雪花都好靚，建議2個人黎食可以每樣嗌一個，可以試晒兩款肉。〰️前菜〰️三款前菜，由凍至熱食起，先食慢煮牛肉，肉質好林搭配咗黑松露沙律醬，好好味呀。之後食芝麻醬豆腐同雞軟骨丸子，丸子有啲嚼口，都唔錯。〰️壽喜燒〰️主角黎啦，啲牛真係好靚！除咗兩碟牛之外，仲有兩塊好靚既A5西冷🥹 餐廳職員好nice，詳盡講解之餘再幫我地燒兩塊牛。塊牛真係好似毛巾咁大塊，同埋有小小厚度，壽喜燒既甜味點點埋蘭王蛋同無菌蛋，口感非常香嫩好食，牛肉入口即溶既口感真係好滿足🥰！然後餐廳職員會鋪一半蔬菜同卷住落兩塊牛，然後等牛差唔多就食得，呢塊牛俾起一開燒黎食，感覺再入味啲，一樣都係又厚又嫩🥹，太好食了吧。啲蔬菜芋粉冬菇全部都好味，由於全部都係壽喜燒味，又唔想咁快膩，可以食下啲醃蘿蔔，酸酸地。星紫流砂 | 夕燒 ($38)2杯飲品都好重果味，偏甜啲啲。最後仲有埋柚子雪杷，非常
肉屋既sukiyaki套餐應該好多人都訂過，依加開埋實體店啦，新開張仲有88折真係好抵，即刻book咗去食😋。特選•蕯摩牛壽喜燒 ($398)
特上•蕯摩牛壽喜燒 ($498)
兩款既分別在於特選係赤身A5蕯摩牛切片而特上係霜降A5蕯摩牛切片🥩。其實兩款牛啲雪花都好靚，建議2個人黎食可以每樣嗌一個，可以試晒兩款肉。
〰️前菜〰️
三款前菜，由凍至熱食起，先食慢煮牛肉，肉質好林搭配咗黑松露沙律醬，好好味呀。之後食芝麻醬豆腐同雞軟骨丸子，丸子有啲嚼口，都唔錯。
〰️壽喜燒〰️
主角黎啦，啲牛真係好靚！除咗兩碟牛之外，仲有兩塊好靚既A5西冷🥹 餐廳職員好nice，詳盡講解之餘再幫我地燒兩塊牛。
塊牛真係好似毛巾咁大塊，同埋有小小厚度，壽喜燒既甜味點點埋蘭王蛋同無菌蛋，口感非常香嫩好食，牛肉入口即溶既口感真係好滿足🥰！
然後餐廳職員會鋪一半蔬菜同卷住落兩塊牛，然後等牛差唔多就食得，呢塊牛俾起一開燒黎食，感覺再入味啲，一樣都係又厚又嫩🥹，太好食了吧。
啲蔬菜芋粉冬菇全部都好味，由於全部都係壽喜燒味，又唔想咁快膩，可以食下啲醃蘿蔔，酸酸地。
星紫流砂 | 夕燒 ($38)
2杯飲品都好重果味，偏甜啲啲。
最後仲有埋柚子雪杷，非常之清新。成個套餐真係超滿足，食得好飽，同埋全部野都好高質👍🏼👍🏼。加上價錢真係好抵，我諗係全港最抵食既壽喜燒🤩
張貼
