長阪燒 (已結業)

呢間日式餐廳已經食過幾次，不過上次係嚟食我媽卡些，見到佢新出咗一個二人串燒套餐非常抵食，咁就一於嚟試吓啦。呢度嘅環境一直都好好，有位嘅話通常都可以坐吧枱，可以睇住廚師整嘢食。而且佢仲會拎好特別嘅長板去俾嘢食客人，真係好適合打卡。呢個串燒套餐非常抵食，百零蚊就包咗好多串燒，而且仲有梅酒。我最欣賞呢個炸雞皮，雞皮好大塊，而且燒得好香脆，將雞皮嘅油迫晒出嚟，食落一啲都唔邪惡。另外呢個風乾日本雞翼都好出色，佢嘅雞翼好大隻，而且雞肉肉質好嫩滑，調味亦都啱啱好，非常推薦大家試吓。呢個燒明太子翠玉瓜都好值得一讚，食咗咁多肉類嘅串燒，感覺翠玉瓜好健康，而且加上明太子，味道啱啱好，越食越開胃。呢個套餐仲包埋兩杯梅酒，梅酒飲落酒精濃度唔係太高，襯埋串燒真係一流。