柞木炭家

營業中

休息中

朋友生日想去食韓燒，上網看到這間店好評如潮，就訂枱同朋友慶祝一番。濟州活鰻魚肉厚鮮甜，基本上已經形容哂，值得一讚係餐廳女職員見我地無從入手，主動幫我地燒，好有耐性，燒好後分好六件放喺爐邊，用餐體驗一流。牛舌三吃牛味濃郁，有三種唔同食法，唔會食極都同一個味道，爽口咬落勁多汁。柞木甕漬牛肋骨份量大件及厚肉，肉質軟淋，肉味濃郁，醬汁調教得非常好。柞木雞拼盤有雞翼、雞肶、雞胸肉，都係起哂骨啖啖肉，嫩滑唔嚡口，連雞皮亦唔會好肥。1++ 生牛肉石鍋飯石鍋非常高溫，牛肉狀態剛剛熟，加上蛋黃令牛肉更滑口，連埋少少飯焦，熱辣辣好好味。