炭兎

營業中

休息中

又係時候抌低個女同老公去撐枱腳啦🤣今次我哋就book咗呢間喺灣仔嘅🇯🇵居酒屋Sumito 炭兎~我哋超級推介✔️ 鐵盒燒廣島生蠔呢個廣島生蠔超級新鮮，肉質勁肥美，大家一定一定要加埋芝士🧀，熱辣辣嘅燒芝士🫕配埋生蠔真係巨好食😍好滿足✔️ 炭火燒鮎魚喺日本就見得多炭火燒啦，今次係我第一次喺香港食到呀😋條魚燒得好香脆，入面啲肉一啲都唔乾，外脆內軟，鹹鹹脆脆咁，送酒飲一流呀😍✔️炭火燒雞個燒雞都唔惹少，燒得勁惹味，食完一啖仲想再食一啖，正👍🏼都係嗰句，啤酒呢？😏我哋仲叫咗✔️山芋明太子鐵板燒✔️明太子天婦羅✔️自家製煙燻八爪魚✔️本鰹沙律✔️醃製烏賊全部都好好食♥️我最估唔到嘅係餐廳可以將明太子整成咁多菜式，我去日本都從來未食過😛Sumito 炭兎真係超適合想飲下酒，食吓嘢，傾吓偈嘅朋友嚟！如果大家想喺香港食到日本居酒屋嘅質素🗾，真係要嚟呢度試吓😌