影片
港鐵灣仔站 B2 出口
繼續閱讀
電話號碼
21520369
69777721
開飯介紹
由前米芝蓮餐廳日籍師傅主理，更特設傳統圍爐裏即燒喜之次等料理，另外亦供應多款傳統及創意日式料理，配搭清酒可提升味覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*Last Order: Lunch 14:30 ; Dinner 22:30
以上資料只供參考, 請與餐廳確認詳情
有關獎賞計劃
相關文章
週末同朋友慶祝生日，選擇咗QRE 6樓的日式居酒屋 ~ 炭兎! 之前去過氣氛超好! 採用日本直送新鮮食材, 餐牌主打炭燒料理，和式設計環境舒適. 🦪 鐵盒燒廣島生蠔 $240/半打 +拉克萊特芝士即叫即煮嘅廣島蠔肉質肥美厚實, 一口咬下Q彈多汁，原味海水味重可配搭檸檬汁或辣汁來提鮮！配搭熱溶的拉克萊特芝士；芝士拉絲口怠滑溜, 咸香四溢！🦑 醃製螢烏賊 $48醃製味道恰到好處, 口感爽彈, 十分適合作開胃小食。🍗 名古屋炭燒雞 $168雞肉以小爐上桌, 炭香滿滿,, 肉嫩甜美，十分好吃。🍣 炭火燒鯖魚壽司 $108新鮮的鯖魚肉質鮮嫩，炭火燒烤後更添香氣，份量十足。🍢栃尾油炸豆腐伴魩魚仔 $78油炸豆腐燒得乾身口感鬆化，配搭咸香的魩魚仔吃更滋味！🍄山芋明太子鐵板燒 $78 滑捋捋的山芋泥入面有軟嫩的八爪魚，配搭明太子及生雞蛋，口感順滑又健康！🍨自家製法式栗子蛋糕 $128終於吃到法式栗子蛋糕！口感綿密的栗子蓉入面是雲尼拿雪糕及海綿蛋糕，大滿足！炭兎📍灣仔皇后大道東202號QRE Plaza 6樓
繼續閱讀
1107 瀏覽
大肥爸爸最愛十三少，XO仔於父親節當日專登約咗枱麻雀俾佢消遣，晚餐就帶佢去灣仔一家幾人氣嘅居酒屋「炭兎」度歡樂一番。樓上餐廳佔用面積全層，門口左方位置展出多款是日精選嘅海材。週日晚全場爆滿，早於OR網上訂座嘅幾口子準時到步即有吧位坐。用餐大堂光線充裕，以木為主嘅間隔足以散發出和風味。開放式廚房就係前面，食物好自然地最為新鮮熱辣！餐桌上擺有企理嘅自助餐具、紙巾、牙籤及調味料。居酒屋文化，埋位第一時間當然係先黎杯啤酒啦！由於生啤早已售罄，最終就試咗枝帶甜嘅牡蠣司陶特啤酒（$88）。多頁餐牌可於網上參閱，細佬就冇特別去影，只係影咗黑版上嘅節令推介。炙燒和牛卡爾帕喬（$118）：碟底嘅炙燒和牛鬆潤多汁，揤上檸汁再撈埋舖面嘅蔥絲、蔥碎及芝士絲即倍添清爽，相當開胃。是日生蠔（$78/隻；$128/隻）：精選生蠔款式每天不同，歡迎貴客任點唔嬲，不過揀前記得問清楚啲海鮮價。兩隻唔同種嘅生蠔同樣白雪雪、滑嘟嘟、脹卜卜，入口柔滑細嫩，鮮美尤甚。蒲燒鰻魚（$148）：大肥讚個鰻魚燒得好香口。青椒仔（$28/串）、生海膽雞柳（$42/串）、鹽燒五花肉（$38/串）：串燒大多以拼盤上。第一碟中嘅青椒仔明顯唔係小肥叫嘅；生海膽雞柳一串有四件，以生海膽點綴雖則係濃味啲，無奈用紫菜包住嘅雞柳肉質比較乾嚡，組合唔係幾得；鹽燒五花肉肥瘦均勻，食落十分爽脆。鹽燒雞腎（$38/串）、味噌雞頸肉（$38/串）、味噌雞頸肉（$38/串）、鹽燒雞軟骨（$38/串）：兩串雞腎食落有啲燶，幸好夠爽口；雞頸肉就唔係好得，因為兩串都冇乜皮，好似食雞肉串咁，完全唔係嗰會事囉！雞軟骨串原來係胸骨嗰種，咬落唔算特別脆，不吃也罷。鹽燒牛舌（$48/串）：牛舌每串約有三件，鹽燒嗰串十分鬆爽，個人只係略嫌咸咗少少。汁燒牛舌（$48/串）：汁燒嗰串味道就甜美得多，不過唔知點解好似縮咗水咁。鹽燒雞尾（$38/串）：雞尾粒粒Q彈爽脆，依個食得過！汁燒免治雞肉（$38/串）：熱辣辣嘅免治雞肉軟嫩中帶著微微脆卜卜，黏上月見生雞蛋黃豉油迅即添上鮮濃與香滑，外層如果可以燒耐少少效果應更佳。鵝肝免治雞肉（$58/串）：球狀嘅免治雞肉串上加咗pat鵝肝醬，賣相認真唔吸引，又腥又嚡嘅肝醬直頭係污染咗串免治雞肉，典型嘅畫蛇添足呀！食到咁上吓，溫婉嘅服務生突然每人送咗杯清酒，講明係老闆請大家飲嘅。全場飲勝一刻成功掀起一度高潮，堅有氣氛！天婦羅盛合（$168）：炸至金黃嘅天婦羅外脆蝦彈牙。湯底燒冬菇（$45）：厚厚嘅冬菇半腍半彈，芳香不油膩，用湯浸住唔會覺得乾。北海道布丁（$38）：甜品北海道布丁香滑甜美，簡單可口。灣仔樓上居酒屋「炭兎」環境光鮮企理，服務生態度優良，送酒菜式質素就甚為參差，仍有頗大嘅進步空間，店子勝在老闆請飲酒識搞氣氛，可以一試嘅。
繼續閱讀
日本系島既傳統炭火圍爐燒，係香港好罕有，慶祝生日有人打鼓，仲有全場祝酒！考考你 – 知道系島在日本哪個位置嗎? 系島有什麼名產?答案：福岡但系島不是一座離島，是個半島！炭兎SUMITO神還原了系島海邊牡蠣小屋的 –– 炭火圍爐燒!
由前米芝蓮餐廳日藉師傅主理，日本員工比例絕高!餐廳至少一半的座位都是吧台位，坐吧台位就能觀賞到以備長炭慢烤，氣氛更好更輕鬆! 生日的壽星能獲得全場的祝酒，有員工擊鼓助慶，用巨型酒杯奉上!鐵盒燒廣島生蠔 (6隻)長方形的蠔bar有多款日本各地品種的蠔，廣島蠔殼呈長形，即燒即開，蠔肉是較高質的，肥美巨大鮮甜。名古屋炭燒雞名古屋交趾雞為日本三大地雞之一，地雞於日本雞肉市場上只占1％。對於地雞的品種和飼養，日本農林所有嚴謹的規格定義。炭燒交趾雞的土雞肉味濃郁，雞肉滑，口感彈牙。系島的海產天然豐富，故有多種保鮮的保存方法，爽彈溜滑的醃製螢烏賊是其中之一。薑葱醋鯖魚卷以生鯖魚片泡醋作壽司，於香港為較少見; 醋鯖魚配薑蔥，口感和味道特別清爽，可一嘗係香港較為罕有的日本獨特美食。° 鹽燒牛舌 – 牛舌咬下時外脆內軟，有種美味的奶香在口腔中迴盪。° 炙燒和牛 – 是生牛肉片Wagyu Carpaccio，配上白色的芝絲更滋味。° 壽司5貫 – 魚生新鮮肥美° 炭兎冷麺 – 是我吃過最彈牙的冷麺! 十分美味! 果然有著店家名字的都是出類拔萃的。° 夾餅紅豆雪糕 – 夾餅有可愛的炭兎，紅豆不甜，抹茶味濃。
繼續閱讀
【灣仔爐端燒🏮炭火圍爐の儀式感】 呢間喺灣仔嘅「炭免SUMITO」真係將日本居酒屋文化帶過來，重現九州系島圍爐燒風情！由前米芝蓮日籍師傅主理，成間店飄住備長炭香，仲有日本員工擊鼓慶生，成個場勁有氣氛～ 🦪鐵盒燒廣島蠔 ($240/半打) 即叫即開嘅生蠔，肥美飽滿又多汁！可以選擇原味品嚐海水鮮甜，或者配熱熔拉克萊特芝士，拉絲效果邪惡到極～ 🐔名古屋炭燒地雞 ($168) 採用日本三大地雞之一嘅交趾雞，皮脆肉嫩仲帶濃郁炭香。每啖都食到真正嘅日本地雞風味！ 🍠 山芋明太子鐵板燒 ($78) 滑溜山芋泥藏住八爪魚粒，鋪滿明太子同生蛋黃。鐵板燒熱後拌勻，口感綿密又充滿鮮味！ 🐟 蒲燒鰻魚（白燒）($148) 師傅用備長炭慢烤，魚皮香脆得嚟唔會焦。鰻魚肉結實彈牙，油香四溢～ 🐟喜知次（小）($480)師傅燒魚功夫了得！魚皮燒得金黃酥脆，肉質卻保持嫩滑多汁。喜知次本身魚油豐富，入口即化，每一啖都係海洋嘅精華～✨ 重點推薦俾鍾意食魚嘅朋友！ 🐟鰯魚伴明太子 ($118)沙甸魚肉質清爽，搭配鹹香明太子醬，面頭灑滿蔥花。魚肉鮮甜，然後明太子嘅微辣慢慢滲出，層次分明！送酒一流！🐟燒鮎魚($108)用備長炭燒烤後外皮微焦酥脆，燒得啱啱好🦑醃螢烏賊($48)好鮮味，最岩送酒！✨ 環境特色 吧台位可以近距離睇師傅炭燒手藝，開放式廚房傳嚟陣陣炭火香，好有氣氛，值得一試。
繼續閱讀
呢間灣仔居酒屋真係超有氣氛！裝修風格好有日本feel，氣氛輕鬆，好適合同朋友傾計吹水！餐廳會大鑼大鼓，為生日嘅客人慶祝，有免費飲品，好熱鬧！當日咁啱係仲有人請客，每人都可以免費試一杯小清酒，好開心呀😁食物方面，首先係鐵盒燒廣島生蠔🦪加配拉克萊特芝士🧀生蠔好大隻，燒到啱啱好，鮮甜多汁！配埋拉克萊特芝士，芝士嘅濃郁。燒鮎魚🐟都好出色，魚肉嫩滑，燒到外脆內軟，魚皮脆卜卜，魚肉又唔會乾，調味啱啱好！牡蠣雞翼雞翼醃得入味，雞翼包住隻蠔，雞肉嫩滑香口，蠔仔juicy! 免治雞肉點埋生雞蛋食更好味！薑蔥醋鯖魚卷，魚肉鮮嫩，薑蔥醋嘅味道酸酸甜甜！合鴨圍爐炭火燒同炭火燒雞，呢兩樣都係用炭火燒，所以特別香！合鴨肉質嫩滑；炭火燒雞，雞肉嫩滑，有炭火烤味！餐廳價錢唔貴，好有氣氛，值得一試。
繼續閱讀