影片
港鐵灣仔站 B2 出口
繼續閱讀
電話號碼
21520369
69777721
開飯介紹
由前米芝蓮餐廳日籍師傅主理，更特設傳統圍爐裏即燒喜之次等料理，另外亦供應多款傳統及創意日式料理，配搭清酒可提升味覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*Last Order: Lunch 14:30 ; Dinner 22:30
以上資料只供參考, 請與餐廳確認詳情
有關獎賞計劃
相關文章
342 瀏覽
大肥爸爸最愛十三少，XO仔於父親節當日專登約咗枱麻雀俾佢消遣，晚餐就帶佢去灣仔一家幾人氣嘅居酒屋「炭兎」度歡樂一番。樓上餐廳佔用面積全層，門口左方位置展出多款是日精選嘅海材。週日晚全場爆滿，早於OR網上訂座嘅幾口子準時到步即有吧位坐。用餐大堂光線充裕，以木為主嘅間隔足以散發出和風味。開放式廚房就係前面，食物好自然地最為新鮮熱辣！餐桌上擺有企理嘅自助餐具、紙巾、牙籤及調味料。居酒屋文化，埋位第一時間當然係先黎杯啤酒啦！由於生啤早已售罄，最終就試咗枝帶甜嘅牡蠣司陶特啤酒（$88）。多頁餐牌可於網上參閱，細佬就冇特別去影，只係影咗黑版上嘅節令推介。炙燒和牛卡爾帕喬（$118）：碟底嘅炙燒和牛鬆潤多汁，揤上檸汁再撈埋舖面嘅蔥絲、蔥碎及芝士絲即倍添清爽，相當開胃。是日生蠔（$78/隻；$128/隻）：精選生蠔款式每天不同，歡迎貴客任點唔嬲，不過揀前記得問清楚啲海鮮價。兩隻唔同種嘅生蠔同樣白雪雪、滑嘟嘟、脹卜卜，入口柔滑細嫩，鮮美尤甚。蒲燒鰻魚（$148）：大肥讚個鰻魚燒得好香口。青椒仔（$28/串）、生海膽雞柳（$42/串）、鹽燒五花肉（$38/串）：串燒大多以拼盤上。第一碟中嘅青椒仔明顯唔係小肥叫嘅；生海膽雞柳一串有四件，以生海膽點綴雖則係濃味啲，無奈用紫菜包住嘅雞柳肉質比較乾嚡，組合唔係幾得；鹽燒五花肉肥瘦均勻，食落十分爽脆。鹽燒雞腎（$38/串）、味噌雞頸肉（$38/串）、味噌雞頸肉（$38/串）、鹽燒雞軟骨（$38/串）：兩串雞腎食落有啲燶，幸好夠爽口；雞頸肉就唔係好得，因為兩串都冇乜皮，好似食雞肉串咁，完全唔係嗰會事囉！雞軟骨串原來係胸骨嗰種，咬落唔算特別脆，不吃也罷。鹽燒牛舌（$48/串）：牛舌每串約有三件，鹽燒嗰串十分鬆爽，個人只係略嫌咸咗少少。汁燒牛舌（$48/串）：汁燒嗰串味道就甜美得多，不過唔知點解好似縮咗水咁。鹽燒雞尾（$38/串）：雞尾粒粒Q彈爽脆，依個食得過！汁燒免治雞肉（$38/串）：熱辣辣嘅免治雞肉軟嫩中帶著微微脆卜卜，黏上月見生雞蛋黃豉油迅即添上鮮濃與香滑，外層如果可以燒耐少少效果應更佳。鵝肝免治雞肉（$58/串）：球狀嘅免治雞肉串上加咗pat鵝肝醬，賣相認真唔吸引，又腥又嚡嘅肝醬直頭係污染咗串免治雞肉，典型嘅畫蛇添足呀！食到咁上吓，溫婉嘅服務生突然每人送咗杯清酒，講明係老闆請大家飲嘅。全場飲勝一刻成功掀起一度高潮，堅有氣氛！天婦羅盛合（$168）：炸至金黃嘅天婦羅外脆蝦彈牙。湯底燒冬菇（$45）：厚厚嘅冬菇半腍半彈，芳香不油膩，用湯浸住唔會覺得乾。北海道布丁（$38）：甜品北海道布丁香滑甜美，簡單可口。灣仔樓上居酒屋「炭兎」環境光鮮企理，服務生態度優良，送酒菜式質素就甚為參差，仍有頗大嘅進步空間，店子勝在老闆請飲酒識搞氣氛，可以一試嘅。
繼續閱讀
日本系島既傳統炭火圍爐燒，係香港好罕有，慶祝生日有人打鼓，仲有全場祝酒！考考你 – 知道系島在日本哪個位置嗎? 系島有什麼名產?答案：福岡但系島不是一座離島，是個半島！炭兎SUMITO神還原了系島海邊牡蠣小屋的 –– 炭火圍爐燒!
由前米芝蓮餐廳日藉師傅主理，日本員工比例絕高!餐廳至少一半的座位都是吧台位，坐吧台位就能觀賞到以備長炭慢烤，氣氛更好更輕鬆! 生日的壽星能獲得全場的祝酒，有員工擊鼓助慶，用巨型酒杯奉上!鐵盒燒廣島生蠔 (6隻)長方形的蠔bar有多款日本各地品種的蠔，廣島蠔殼呈長形，即燒即開，蠔肉是較高質的，肥美巨大鮮甜。名古屋炭燒雞名古屋交趾雞為日本三大地雞之一，地雞於日本雞肉市場上只占1％。對於地雞的品種和飼養，日本農林所有嚴謹的規格定義。炭燒交趾雞的土雞肉味濃郁，雞肉滑，口感彈牙。系島的海產天然豐富，故有多種保鮮的保存方法，爽彈溜滑的醃製螢烏賊是其中之一。薑葱醋鯖魚卷以生鯖魚片泡醋作壽司，於香港為較少見; 醋鯖魚配薑蔥，口感和味道特別清爽，可一嘗係香港較為罕有的日本獨特美食。° 鹽燒牛舌 – 牛舌咬下時外脆內軟，有種美味的奶香在口腔中迴盪。° 炙燒和牛 – 是生牛肉片Wagyu Carpaccio，配上白色的芝絲更滋味。° 壽司5貫 – 魚生新鮮肥美° 炭兎冷麺 – 是我吃過最彈牙的冷麺! 十分美味! 果然有著店家名字的都是出類拔萃的。° 夾餅紅豆雪糕 – 夾餅有可愛的炭兎，紅豆不甜，抹茶味濃。
繼續閱讀
最近喺灣仔發掘咗間超有氣氛嘅日本餐廳《炭兎》🐰，餐廳主打新鮮牡蠣🦪 平日夜晚都滿座，大家圍住火爐食飯❤️🔥，有人生日亦會全部人一齊舉杯慶祝，超有氣氛🍾！🐠 子持香魚鮎塩焼き （$128）呢度嘅燒魚超有特色，全部都係用炭火燒，特別香！🦪 6PC鐵盒燒廣島生蠔かんかん蒸し 6個 （$240）🧀 加配 拉克萊特芝士 （$48）廣島生蠔超肥美，仲好多汁！加上熱融芝士超香口，又唔會太鹹，好正🥳🐥 名古屋コーチンの炭焼き雞 （$168）燒雞燒得又香又嫩！🌯 薑葱醋艄魚卷 ($98)呢個薑蔥完全去除晒魚嘅腥味，唔鍾意食魚嘅朋友都可以一試！🥩 炙燒和牛卡爾帕喬 ($188)生牛肉配上蔥、洋蔥🧅等，好好食🤤🍢 燒鳥紫菜鶏柳海膽鶏 ($42)鶏翼 （$42）鶏腿肉（$42）自家製免治鶏肉丸 （$38）牛舌 （$48）我哋仲揀咗幾串燒鳥🐥，全部都好正！最推薦係自家製免治肉丸🍡，必食！🐮 博多和牛飯 （$178）最後叫多個超正嘅和牛飯，和牛份量超多，夠晒肥美，撈埋蛋汁好好味😋
繼續閱讀
朋友帶我到灣仔QRE「炭兎」，選擇坐吧枱，看到日本師傅即席炭燒食物，又稱圍爐燒，還有為壽星打鼓、全場一起祝酒，既熱鬧又有氣氛！🔸鐵盒燒廣島生蠔（加配拉克萊特芝士）廣島生蠔以鐵盒蒸煮，即叫即開，蠔肉肥美厚實，鮮甜多汁，帶有海水味。加配拉克萊特芝士，芝士香濃，與蠔肉的鮮甜完美融合，口感豐富，芝士控不能錯過。🔸子持香魚子持香魚即有魚卵嘅母香魚，魚肉細緻肥美，口感滑嫩，魚卵飽滿綿密，鹽烤後可品嚐到香魚嘅鮮甜原味，非常過癮。🔸日本春菜螢光賊烏螢光賊烏即魷魚，搭配日本春菜，以天婦羅方式烹調，口感爽脆。🔸明太子芝士蛋卷蛋卷外皮香酥，內藏明太子芝士，芝士濃郁，明太子微辣鹹鮮，兩者結合，好有層次。🔸鐵板明太子燉牛舌伴蛋牛舌燉至軟嫩，搭配明太子醬，增添香辣鹹鮮味，是一道極具創意嘅菜式。🔸炙燒和牛卡爾柏喬和牛肉質細嫩，油花分布均勻，經炙燒後帶有微微嘅焦香，搭配卡爾柏喬嘅調味，正。🔸鵝肝免治雞肉免治雞肉嫩滑，肉汁滿滿，搭配香濃嘅鵝肝醬，好滿足。🔸夾餅紅豆雪糕作為甜品，這個不能不點，能為一餐帶來甜蜜嘅收尾。
繼續閱讀
上個禮拜我同老公去銅鑼灣買嘢，夜晚搵左間爐端燒食，當日好多人慶祝生日好有氣氛，好似去左日本咁。- 栃尾油炸豆腐 🥟 ($168)外脆內軟，豆腐香氣濃郁，面頭仲有一堆白飯魚仔，咬落一口滿滿日式風情，超正！* 炭燒雞 🍗 ($168)名古屋雞炭燒得外焦內嫩，雖然叫做炭雞睇落面頭黑黑地色，但係煮得恰到好處唔會太焦，煙燻香氣撲鼻，肉汁鎖得啱啱好。* 鰯魚伴明太子 🐟 ($118)因為我地剛剛好坐響吧台，可以望到店員將鰯魚串響竹籤上面，再插落炭爐前面慢慢烤。烤鰯魚鮮味同明太子嘅鹹香完美配搭，入口微辣又開胃。* （6件）鐵盒燒廣島生蠔 🦪 ($240 + 額外芝士 $48)廣島生蠔肥美多汁，食完肥美嘅蠔肉記得啜埋個蠔汁，配濃郁拉克萊特芝士，鮮甜同奶香交融，極品！除咗配芝士之外，店員仲提供多款醬汁我地配嚟食，其中細細支嘅檸檬汁生蠔勁夾，一定要試試！* 醃製螢烏賊 🦑 ($78)爽彈溜滑，帶點海水鮮味，係居酒屋下酒必備小菜。* 山芋明太子鐵板燒 🍠 ($68)山芋煎到微焦香脆，搭明太子醬濃郁鹹香，每啖都係享受。* 燴牛舌伴蛋 🥚 ($68)牛舌軟嫩入味，蛋汁滑順包裹，溫暖又滋味嘅一品。* 自家製法式栗子蛋糕(士多啤梨味) 🍰 ($128)士多啤梨味嘅栗子蛋糕濃厚綿密，士多啤梨果肉香甜清新，甜品控必試！* 夾餅抹茶雪糕 🍨 ($38)抹茶雪糕濃郁香滑，夾餅脆口可愛，甜而不膩好滿足。* 北海道布丁 🍮 ($38)布丁滑溜香甜，奶香濃厚，簡單又經典嘅收尾甜品。食完依餐飯時靚女日本妹店員突然間拎咗套太鼓出來，原來餐廳生日壽星會有興祝活動，餐廳請咗我地每一飲一杯清酒，生日壽星仲有勁大杯飲品，店員仲會叫埋全場食客一齊嗌「乾杯」，氣氛好好！10分滿分味道 9/10環境 9/10價格 7.5/10炭兎 Sumito灣仔皇后大道東202號QRE Plaza 6樓#灣仔#串燒#爐端燒#炭兔#sumito#灣仔餐廳#灣仔必食#香港爐端燒
繼續閱讀