影片
更多
2023-06-29
51 瀏覽
視覺同味覺的極致盛宴🤩砵蘭街呢間長阪燒真係出曬名，今晚終於有機會嚟試吓！大約六、七點嚟到，已經好多人，大家要早啲嚟幫襯！呢度裝修真係勁靚，勁似去咗日本，佈置都好有心機。我哋揀咗吧台座位，望住眼前咁多海鮮，真係未食已經流口水！呢度嘅Staff亦好熱情，好主動咁介紹今晚嘅新到海鮮。而啲碗碟、擺盤等等都一絲不苟，無諗過會咁高質素！我哋馬上就叫咗幾款食物：⭐廚師發辦三點盛（$298）呢個餐嚟到真係令人「嘩」一聲，賣相一流，擺盤用心，齋睇已經覺得好靚！入面主要有磯燒帶子、海膽拖羅魚蓉丼同真鯛刺身帶子十分厚實，啖啖肉之餘，亦燒得好香！魚蓉丼係我哋最鍾意嘅一款，海膽味道香濃，魚蓉撈埋日本米，鮮香逼人，亦唔會覺得heavy。而真鯛刺身切得非常薄，口感輕盈，配埋廚師秘製嘅酸汁，令佢更加有層次。前菜仲有琥珀核桃魚乾，酸酸甜甜，係開胃之選！最後有一客伊達卷作為甜品，係香港少啲機會食到，甜中帶鹹，食完非常滿足。⭐雲丹拖羅蓉三盛（$188）呢一款係我哋最最鍾意嘅！小卷上嘅海膽極度鮮甜，同三點盛果款唔同，配落小卷上就更加fresh而拖羅魚蓉份量充足，配上海量魚籽，連埋小卷裡嘅青瓜一啖入口，清新感喺口腔裡迸發，超級
砵蘭街呢間長阪燒真係出曬名，今晚終於有機會嚟試吓！
大約六、七點嚟到，已經好多人，大家要早啲嚟幫襯！
呢度裝修真係勁靚，勁似去咗日本，佈置都好有心機。
我哋揀咗吧台座位，望住眼前咁多海鮮，真係未食已經流口水！
呢度嘅Staff亦好熱情，好主動咁介紹今晚嘅新到海鮮。
而啲碗碟、擺盤等等都一絲不苟，無諗過會咁高質素！
我哋馬上就叫咗幾款食物：
⭐廚師發辦三點盛（$298）
呢個餐嚟到真係令人「嘩」一聲，賣相一流，擺盤用心，齋睇已經覺得好靚！
入面主要有磯燒帶子、海膽拖羅魚蓉丼同真鯛刺身
帶子十分厚實，啖啖肉之餘，亦燒得好香！
魚蓉丼係我哋最鍾意嘅一款，海膽味道香濃，魚蓉撈埋日本米，鮮香逼人，亦唔會覺得heavy。
而真鯛刺身切得非常薄，口感輕盈，配埋廚師秘製嘅酸汁，令佢更加有層次。
前菜仲有琥珀核桃魚乾，酸酸甜甜，係開胃之選！
最後有一客伊達卷作為甜品，係香港少啲機會食到，甜中帶鹹，食完非常滿足。
⭐雲丹拖羅蓉三盛（$188）
呢一款係我哋最最鍾意嘅！
小卷上嘅海膽極度鮮甜，同三點盛果款唔同，配落小卷上就更加fresh
而拖羅魚蓉份量充足，配上海量魚籽，
連埋小卷裡嘅青瓜一啖入口，清新感喺口腔裡迸發，超級滿足
⭐拖羅根沙律（$78）
拖羅根即係用魚嘅橫隔膜燒成，都係第一次食，
外觀看上去似烤肉，而食落卻有濃濃魚香，有咬口，肉質爽彈結實
加埋酸甜嘅柚子醬，整個沙律十分開胃！
⭐黃花魚一夜干（$158）
最後呢條巨型黃花魚係用備長炭烤成，燒得好香，
魚肉有極多，而魚身偏厚肉，食極都仲有，好適合佐酒！
😋😋😋
餐廳仲有好多花款嘅嘢食，下次要再試！
張貼
