十下火鍋

上星期平日去到銅鑼灣，諗起之前網上見到佢哋有午市優惠，於是單人匹馬上咗去食。佢可以揀一人火鍋，或者粉麵套餐。我就揀咗肥牛，金牌牛丸，果皮魚蛋，胡椒湯底配河粉，白咖啡，只係$58 ！服務態度超好，一入去就熱情地招呼你坐低，幫你準備碗筷， 10分有禮貌。講返個味道先，其實我仲想食佢嘅藥膳湯底，不過第一次食就揀咗胡椒湯！胡椒味好出，飲咗好多湯都唔會覺得口渴。肥牛好新鮮，果然係打開邊爐嘅舖頭！雖然係肥牛，但係唔算好肥，啱我心水。金牌牛丸10分大，咬開咗仲會有油香！果皮魚蛋好香果皮味，非常結實，而且仲有好多粒😆🎊啲河粉都好好食，唔係碎濕濕，好完整！