影片
更多
2023-10-24
14 瀏覽
今年同個朋友慶祝生日，請咗佢嚟食呢一間喺尖沙咀嘅三日月鐵板燒。見到佢網上評價都唔錯，去到覺得餐廳環境唔錯，啲位都都坐得闊落幾舒服。餐廳安排咗吧枱嘅位置可以一邊欣賞師傅整嘅鐵板燒，一邊享受美食！今次叫咗個係完整嘅套餐， 首先黎嘅係前菜，有牛蒡，豆腐同埋煙燻鴨肉。同時間嚟埋個沙律喺每次上菜嘅時候，職員都好有耐心去講解每一道菜嘅成份同埋用咩醬汁，服務非常之好。👍個無花果沙律係落咗啲柚子醋汁，真係好開胃。接落嚟嘅係茶碗蒸，職員話個蛋漿係加咗黑松露油，唔怪得一打開個蓋成個茶碗蒸係勁香黑松露味！上面嗰層落咗啲鰹魚汁，加埋三文魚子，所以成個茶碗蒸真係喺水準之上！終於嚟到第一道主菜嘅澳洲龍蝦，呢個龍蝦簡直係成個餐嘅亮點。龍蝦超級新鮮又超多膏，啲肉食落去好彈牙再配埋個汁係用牡丹蝦膏一齊整嘅醬汁。擺盤仲有啲食用花同埋紫薯粉，整到好靚，啱晒打卡！職員仲話俾我哋聽個龍蝦頭，一陣間會用嚟整麵豉湯。唔會浪費😍之後個主菜都係一個好正嘅肉眼薄燒，用美國牛肉包住啲金菇再燒。我特登叫師傅唔好整到咁熟，因為我不嬲都食開medium Rare。🤤呢啲咁靚嘅牛肉點扒岩鹽同埋黑胡椒已經好好食，一咬落去啲肉汁出晒嚟。另一個位我超鍾
今次叫咗個係完整嘅套餐， 首先黎嘅係前菜，有牛蒡，豆腐同埋煙燻鴨肉。同時間嚟埋個沙律喺每次上菜嘅時候，職員都好有耐心去講解每一道菜嘅成份同埋用咩醬汁，服務非常之好。👍個無花果沙律係落咗啲柚子醋汁，真係好開胃。
接落嚟嘅係茶碗蒸，職員話個蛋漿係加咗黑松露油，唔怪得一打開個蓋成個茶碗蒸係勁香黑松露味！上面嗰層落咗啲鰹魚汁，加埋三文魚子，所以成個茶碗蒸真係喺水準之上！
終於嚟到第一道主菜嘅澳洲龍蝦，呢個龍蝦簡直係成個餐嘅亮點。龍蝦超級新鮮又超多膏，啲肉食落去好彈牙再配埋個汁係用牡丹蝦膏一齊整嘅醬汁。擺盤仲有啲食用花同埋紫薯粉，整到好靚，啱晒打卡！職員仲話俾我哋聽個龍蝦頭，一陣間會用嚟整麵豉湯。唔會浪費😍
之後個主菜都係一個好正嘅肉眼薄燒，用美國牛肉包住啲金菇再燒。我特登叫師傅唔好整到咁熟，因為我不嬲都食開medium Rare。🤤呢啲咁靚嘅牛肉點扒岩鹽同埋黑胡椒已經好好食，一咬落去啲肉汁出晒嚟。
另一個位我超鍾意嘅就係嗰啲日本獨子蒜嘅蒜片😍😍😍😍真係好好食！另外仲有啲日本野菜燒到都好好食，唔會燒到乾晒。
最後個鐵板炒飯同埋龍蝦頭麵豉湯係一齊嚟嘅。首先個鐵板炒飯係有啲櫻花蝦一齊炒，好香口餐廳仲俾埋啲鰹魚清湯話食咗一半嘅炒飯之後可以加埋啲清湯入去做茶漬飯一飯兩食嘅感覺都幾好。之後仲飲埋個龍蝦頭麵豉湯，加咗龍蝦頭嘅麵豉湯的確鮮味咗好多🙌如果可以飲多幾碗就好😂😂😂
本來以為食埋個雪糕甜品就食晒成個餐，點知道餐廳知道朋友生日就有埋個蛋糕😍超有心思！如果同朋友慶祝生日都可以試吓嚟呢一間性價比超高嘅鐵板燒餐廳！
張貼
