十八夢

營業中

休息中

我好鍾意有live Band嘅餐廳, 可以一路食飯，一路聽歌. 除咗有唔同主題嘅Live music show同一炮成名嘅猛男show之外，十八夢仲加入多元化嘅表演，今晚就揀咗嚟睇近距離魔術!本身對魔術都好有興趣，但係第一次咁近距離，仲可以慢動作做多幾次都睇唔出破綻嘅近距離魔術真係第一次，睇到O晒嘴! 魔術師手法超純熟，表演完之後我同朋友驚訝嘅心情，久久未能平復, 到食完離開餐廳嗰刻都仲研究緊究竟係點變🤣除咗魔術之外，嘢食都比到我哋好大驚喜～ ✴️蟹肉魚子醬一啲都唔腥，食到海鮮鮮甜. ✴️炒大啡菇，塊塊Juicy，炒得惹味. ✴️松露蘑菇湯打得Creamy幼滑, 蘑菇味非常濃郁.✴️肉眼扒牛肉香氣濃郁, 肉汁非常軟腍多汁, 特製燒汁和配料更加畫龍點睛.✴️比目魚柳fusion 炒意粉非常特別, 魚皮煎得香脆, 魚肉滑身, 意粉更帶小小辣，好開胃.✴️甜品拼盤非常打卡able! 見到每一盤嘅裝飾物都會有唔同，我哋嗰個咁啱係哈利波特音樂盒，中咗朋友嘅至愛，氹得佢非常開心，少女心爆發💖今晚除咗有靚仔魔術師帶比我哋精彩嘅近距離表演之外，仲有個咁靚靚嘅甜品拼盤做結尾，同朋友或另一半嚟慶祝節日真係一流💯