夏麵館 (新都城中心二期)

營業中

休息中

今日嚟到寶琳，同朋友去左新都城中心嘅夏麵館。我最愛呢度嘅擔擔麵，而朋友就想食獅子頭，正好揀到呢個砂鍋獅子頭麵 $72 可以+$10轉擔擔麵底。麵條有彈性，擔擔麵醬香濃掛麵，少少辣好惹味，成個砂鍋份量之大，係一個女仔一定食唔曬。炸銀絲卷(跟煉奶)$28 外皮薄脆，加上香甜煉奶，係簡樸嘅美食。賽螃蟹$80 雪白嘅蛋白滑一滑，加點醋食鮮味提升。紅油炒手(6粒)$40 炒手好大粒，紅油唔會太辣仲帶點甜味。豆沙鍋餅(全份) $38 豆沙餡細滑唔太甜，早起 夠熱度。加埋每位茶位$10，埋單都係$300左右，相當抵食！