Mr. Steak Buffet à la minute

營業中

休息中

今日約咗好耐冇見的朋友去食自助餐，揀咗響銅鑼灣世貿，地點非常方便嘅的Mr. Steak. 個場都幾大，擺放食物嘅位置都好多好闊落，座位都好舒適。冷海鮮選擇多，長腳蟹腳，龍蝦，蜆，青口，海蝦樣樣齊，蟹腳鮮甜，龍蝦爽彈。呢度仲有超回本嘅任食，即開生蠔。冷盤有好多款式，賣相精緻，煙三文魚，凍肉，各色芝士等等，仲有紅白酒任飲。魚生壽司選擇亦好多，刺身有三文魚，油甘魚，赤貝，泰式生蝦，紅蝦等。其中三文魚都幾肥美，紅蝦係必食，超大隻，口感Creamy又鮮味。熟食方面，當然要食呢度出晒名嘅佐賀和牛，我食咗幾round。鐵板燒黑毛和牛超正，油脂甘香，包住蒜片一齊食，超正。和牛壽司亦不錯，師傅即時炙燒，超香。仲有烤和牛扒。除咗和牛仲有大量熟食，例如片皮鴨，即炸天婦羅，鵝肝，比目魚，避風塘炸蠔等等。甜品擺滿成張自助餐枱，超豐富。另外仲有即做的心太軟，仲有畫碟服務，超靚，超有儀式感，超開心。