殿·大喜屋

營業中

休息中

今次同班friend去咗太子Moko商場入面間日式放題，真係冇得頂！間鋪頭裝修得好靚，座位闊落又光猛，坐得超舒服，重點係食物質素超高。頭盤必食花雕醉鮑魚，隻隻都係咁大隻，酒香入味得嚟又唔會搶晒鮑魚鮮味，咬落爽彈得嚟仲有少少溏心，我哋encore咗兩轉！牛油果蟹肉最中餅個配搭好驚喜，脆卜卜嘅米紙包住creamy牛油果同絲絲蟹肉，精緻好食！刺身方面要畀10個like！海膽拖羅黑松露帶子個組合豪華到爆，海膽甜到似食緊糖，拖羅油脂同黑松露個香味撞到正。松葉蟹腳同赤貝新鮮到好似仲識郁咁，甜蝦超鮮甜同牡丹蝦每隻都勁大，咬落去啲蝦膏爆出嚟超邪惡！熟食都冇hea做，燒物系列我最愛蒜蓉牛油赤蝦，蝦頭啲膏多到漏油，仲有西京燒比目魚燒到外皮脆內裡嫩滑。估唔到連羊鞍都處理得咁好，冇羶味得嚟肉質軟淋，個香草醬撈飯食都得！最後要讚吓個金湯燴花膠，膠質多到黏嘴唇，飲完成個人都暖笠笠。雖然價錢唔算平，但計返質素同環境真係值回票價。