蠔站 (荃新天地)

營業中

休息中

呢一間os plus 不嬲都會2-3個月黎一次，每次都ok,不過不失.但今次真係起差囉，我地一行4人，21:15黎到，等咗一陣就入座，一黎叫咗2打生蠔，D蠔黎到，一擺入口，嘩！超鹹，每食一隻，都會隨口附送蠔殼，係隻隻都有，之後叫咗個清新沙律，還可以，但偏酸，之後再叫咗一份7成熟嘅西冷牛扒同一份黑松露意大利飯。呢份牛扒不得了，一黎到切開，大約只得3-5成熟，説好的七成呢？？都吾緊要，一放入口，即時爭啲媽媽都叫咗出來！D肉鞋到好似煲湯豬肉，都唔知食咗啲入口，之後個意大利飯，都係生米粒，平時食嗰啲都冇咁生嘅。今次嗰D食落去直情係索索聲。嘩完全唔掂囉。唯一可以嘅就係支白酒。今次呢餐直情係差到冇朋友。以後都唔會再嚟。