影片
更多
2025-03-20
428 瀏覽
銅鑼灣Sogo附近嘅呢間「泰簡單」之前食過一直念念不忘，今晚想食啲唔同口味嘅，所以又再黎食過！餐廳裝潢加左少少泰國原素，簡單又舒適，仲設有室外位，銅鑼灣黎講算少見地大。食物高質，而且好多食物款式可以選擇。即使唔食辣都有唔少選擇，難怪成日滿座。因為坐近門口，聽到好多都係一家大細定晒位黎食，可見佢係附近好有口碑。「炸釀雞翼」：大大只嘅雞翼融合左肉碎同蝦，炸到外表脆一脆，配上特色醬料，好味！泰式餐廳當然要食「冬蔭功」，餐廳嘅冬蔭功好正宗，對我嚟講辣味岩岩好，配上大只虎蝦，超好飲，好快KO!青菜必叫呢個「鹹魚炒芥蘭」，芥蘭配上鹹魚粒粒再加上少少紅椒，好惹味下飯。要提一提佢嘅特色飲品，款色都好豐富。叫左個「鮮芒果汁」，滿滿當當嘅芒果粒粒，真材實料。最後上埋個啖啖蟹肉炒蛋嘅「蟹肉炒飯」，食到捧住個肚，呢餐好抵食呢！想食泰國菜嘅一定要黎試下，肯定唔會失望！
餐廳裝潢加左少少泰國原素，簡單又舒適，
仲設有室外位，銅鑼灣黎講算少見地大。食物高質，而且好多食物款式可以選擇。即使唔食辣都有唔少選擇，難怪成日滿座。因為坐近門口，聽到好多都係一家大細定晒位黎食，可見佢係附近好有口碑。
「炸釀雞翼」：大大只嘅雞翼融合左肉碎同蝦，炸到外表脆一脆，配上特色醬料，好味！
泰式餐廳當然要食「冬蔭功」，餐廳嘅冬蔭功好正宗，對我嚟講辣味岩岩好，配上大只虎蝦，超好飲，好快KO!
青菜必叫呢個「鹹魚炒芥蘭」，芥蘭配上鹹魚粒粒再加上少少紅椒，好惹味下飯。
要提一提佢嘅特色飲品，款色都好豐富。叫左個「鮮芒果汁」，滿滿當當嘅芒果粒粒，真材實料。
最後上埋個啖啖蟹肉炒蛋嘅「蟹肉炒飯」，食到捧住個肚，呢餐好抵食呢！想食泰國菜嘅一定要黎試下，肯定唔會失望！
張貼
