鳥鑫

營業中

休息中

認識呢一間餐廳係睇YouTube有YouTuber介紹， 見到有唔同雞嘅部位串燒， 已經好有期望。 點知， 嚟到餐廳一試， 果然冇令人失望。 當晚， 我哋叫咗好多唔同雞嘅部位串燒， 個人覺得最好味嘅係雞頸肉同雞橫膈膜。 由細到大， 阿媽都話雞頸係打針嘅地方， 所以通常都唔會食。 今次一試， 原來先知道雞頸肉係咁嫩滑嘅。 佢本身有好濃嘅雞味， 但係又唔會好油膩。 橫膈膜都係第一次試， 佢嘅肉質有啲咬口， 雞尾好濃， 又係一啲唔係好油嘅部位。 當晚餐廳介紹咗一款叫「雞蠔肉」嘅串燒， 佢話係雞髀嘅內側，試完之後果然好嫩滑，肉質豐富Juicy！ 我哋當晚仲encore咗兩次添！ Overall，當晚叫嘅嘢食都好有質素。下次一定會再去。