南瀛水產

🥹因工作忙呀嘅關係，唔係成日可以飛到日本，而香港亦都搵到好多日本居酒屋，呢一間係其中一間絕對值得推介俾大家，有我最鍾意食嘅甲羅燒，簡直同去日本嘅一模一樣，海鮮日本好新鮮，所以完全值得食，啱啱煮好嘅甲羅燒，熱辣辣蟹膏香味混合鵪鶉蛋味，每啖都非常好食！🦐即燒嘅新鮮海鮮，真係唔多，見到隻鮑魚郁來郁，你都咪話唔流口水，因為鮑魚新鮮燒起嚟一定係彈牙煙靭，果然冇失望，非常好彈牙，另外仲用清酒煮咗啲蜆，勁清甜！燒生蠔我比較少食，呢間燒生蠔都非常唔錯，最正係即燒帶子，加咗玫瑰酒，煮出嚟嘅鮮甜味更加香，臨尾一定要飲埋帶子逼出嚟嘅汁同玫瑰酒混埋一齊，呢一啖真係好幸福！串燒羊架值得推介，好腍好入味，高質素，再加埋個牛舌厚度適中唔鞋，唔錯！😍埋尾叫個東瀛五點盛，有三文魚，甜蝦，帶子，吞拿魚，同油甘魚，五款都新鮮好食，埋尾清一清個口，食埋個甜品！最推介係芝麻雪糕，好濃嘅芝麻味，而豆腐雪糕，都有豆腐味，但唔算太濃，但非常之滑，呢餐大滿足！非常推介大家想食即燒日本海鮮可以揀呢間！